نۇر-سۇلتان قالاسىنىڭ اكىمى التاي كولگىنوۆ ازاماتتاردى ونلاين-قابىلداۋ وتكىزدى. بۇل تۋرالى ول ءوزىنىڭ Instagram-داعى پاراقشاسىندا جازدى.
«ازاماتتاردى تۇراقتى تۇردە ونلاين-قابىلداپ جاتىرمىز. بۇگىن قالا تۇرعىندارى تۇرعىن ءۇي, سپورتپەن اينالىسۋ ءۇشىن جاعدايدى جاقسارتۋ جانە ت. ب. ماسەلەلەردى كوتەردى» دەپ جازدى قالا باسشىسى.
«مەملەكەت باسشىسىنىڭ تاپسىرماسىنا سايكەس, بيىل قولجەتىمدى تۇرعىن ءۇي كولەمى ۇلعايادى. الەۋمەتتىك پاتەرلەر كەزەكتە تۇرعان ازاماتتارعا (حالىقتىڭ الەۋمەتتىك ءالسىز توپتارى), «تۇرعىن ءۇي قۇرىلىس جيناق بانكىنىڭ» سالىمشىلارىنا بەرىلەدى. «قازاقستاندىق يپوتەكالىق كومپانيامەن» بىرلەسە وتىرىپ, دارىگەرلەر, مۇعالىمدەر, الەۋمەتتىك قىزمەتكەرلەر, پوليتسەيلەر جانە ت. ب. ءۇشىن بىرقاتار تۇرعىن ءۇي سالامىز» دەپ ءتۇسىندىردى اكىم. سونداي-اق التاي كولگىنوۆ سپورت نىساندارىن اشۋ جانە سپورتپەن اينالىسۋعا جاعداي جاساۋ بويىنشا جۇيەلى جۇمىستار جۇرگىزىلەتىنىن, كوتەرىلگەن ماسەلەلەر جوسپارعا ەنگىزىلگەنىن ءمالىم ەتتى.
