وتباسى قۇندىلىعى ناسيحاتتالدى

«جانۇيا» وتباسىن قولداۋ ورتالىعىندا سىبايلاس جەمقورلىققا قارسى ءىس-قيمىل اگەنتتىگىنىڭ ەلوردالىق دەپارتامەنتى جانە ءبىلىم باسقارماسىنىڭ ۇيىمداستىرۋىمەن «استانا – ادالدىق الاڭى» جوباسى اياسىندا قالالىق «پاراساتتى وتباسى» بايقاۋى ءوتتى.بايقاۋدا اۋداندىق كەزەڭنەن وتكەن, پاراساتتى جانە قوعامدىق جۇمىستاردا بەلسەندى ءارى قايىرىمدىلىعىمەن كوزگە تۇسكەن 12 وتباسى ءوزارا باق سىنادى. قاتىسۋشىلار «مەنىڭ وتباسىم» تاقىرىبىندا بەينەروليكتەر ۇسىنىپ, قانشالىقتى ونەرلى ەكەندەرىن كورسەتتى. «بۇعان دەيىن ەلوردانىڭ 4 اۋدانىندا ىرىكتەۋ كەزەڭى ءوتىپ, بۇگىنگى اقتىق سىنعا ۇزدىك وتباسىلار تاڭدالىنىپ الىندى. بۇل شارادا ءار وتباسىنىڭ وزىندىك ۇستاناتىن قۇندىلىقتارى كەڭىنەن ناسيحاتتالدى. ءبىز بايقاۋعا قاتىسقان بارلىق وتباسىلار تۋرالى دەرەكتەردى قالالىق اكىمدىككە جىبەرەمىز. ياعني الداعى ۋاقىتتا وسى وتباسىلاردى جاقسى قاسيەتتەرىن بارشا ەلوردا جۇرتىنا ۇلگى ەتۋىمىز كەرەك. سىبايلاس جەمقورلىقپەن كۇرەستە وتباسىنىڭ اتقاراتىن ماڭىزى زور. ويتكەنى بۇگىنگى جاس ۇرپاق – ول ەرتەڭگى اكە, انا, مەملەكەتتىك قىزمەتكەر جانە قوعامنىڭ بەلسەندى مۇشەسى» دەدى نۇر-سۇلتان قالالىق سىبايلاس جەمقورلىققا قارسى دەپارتامەنت توراعاسىنىڭ ءبىرىنشى ورىنباسارى جازيرا جىلقىشيەۆا.
بايقاۋ ناتيجەسىندە 1-ورىندى ابدىكۋلوۆتار وتباسى, 2-ورىندى گابدۋلليندەر وتباسى, 3-ورىندى ەرتۇرعانوۆتار وتباسى يەلەنسە, «پاراساتتى وتباسى» اتاعىنا بايقوڭىروۆتار وتباسى, «كوپتىلدى وتباسى» – جەلدىباەۆتار, «ۇزدىك وقىرمان وتباسى» – امانكەلدى, «ينتەللەكتۋالدى وتباسى» – ازمۋحامەتوۆتار, «شىعارماشىل وتباسى» – تىلەك وتباسى, «شەبەرلەر وتباسى» – نۇرماعامبەتوۆتار, «ونەرلى وتباسى» – يبادۋللاەۆتار, «جومارت وتباسى» – يبراگيموۆتار وتباسى تانىلىپ, باعالى سىيلىقتارمەن ماراپاتتالدى.