جاڭالىقتار
پرەزيدەنت جارلىعىمەن قر جەر كودەكسىنە وزگەرتۋلەرگە 5 جىل موراتوري بەكىتىلدى
مەملەكەت باسشىسى نۇرسۇلتان نازارباەۆ «جەر زاڭناماسىنىڭ كەيبىر نورمالارىن قولدانۋعا موراتوري ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2016 جىلعى 6 مامىرداعى № 248 جارلىعىنا وزگەرىس ەنگىزۋ تۋرالى جارلىققا قول قويدى, دەپ حابارلايدى اقوردانىڭ ءباسپاسوز قىزمەتى.
قازاقستان رەسپۋبليكاسىنىڭ پرەزيدەنتى قول قويعان جارلىق قر جەر كودەكسىنىڭ وزگەرىستەرىنە ءموراتوريدى بەس جىلعا ۇزارتتى.
تولىق ءماتىن:
«جەر زاڭناماسىنىڭ كەيبىر نورمالارىن قولدانۋعا موراتوري ەنگىزۋ تۋرالى» قازاقستان رەسپۋبليكاسى پرەزيدەنتىنىڭ
2016 جىلعى 6 مامىرداعى № 248 جارلىعىنا وزگەرىس ەنگىزۋ تۋرالى قاۋلى ەتەمىن:
- «جەر زاڭناماسىنىڭ كەيبىر نورمالارىن قولدانۋعا موراتوري ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2016 جىلعى 6 مامىرداعى № 248 جارلىعىنا (قازاقستان رەسپۋبليكاسىنىڭ ءپۇاج-ى, 2016 ج., № 27, 150-قۇجات) مىناداي وزگەرىس ەنگىزىلسىن:
1-تارماقتاعى «2016» دەگەن تسيفرلار «2021» دەگەن تسيفرلارعا اۋىستىرىلسىن.
- وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن. نازارباەۆ
