قالاعان ەمحاناعا قارالىڭىز
ەلىمىزدە 2018 جىلعى 15 قىركۇيەكتەن 15 قاراشاعا دەيىن ازاماتتاردى باستاپقى مەديتسينالىق-سانيتارلىق كومەك كورسەتەتىن دەنساۋلىق ساقتاۋ سۋبەكتىلەرىنە, ياعني ەمحانالارعا تىركەۋ باستالادى.
ءاربىر ازامات ءوزىنىڭ قالاۋى بويىنشا كەز كەلگەن ەمحاناعا تىركەلىپ, قىزمەت تۇرلەرىن الا الادى. ەسكەرەتىن جايت, ەمحانا تاڭداۋ بارىسىندا سانالى تۇردە شەشىم قابىلداپ, ونىڭ ۇيىنە, جۇمىس ورنىنا جاقىن نەمەسە وزىنە قولايلىلىعىنا نازار اۋدارۋى شارت.
ەمحاناعا تىركەلۋ ءۇشىن الەۋمەتتىك مەديتسينالىق ساقتاندىرۋ قورىنىڭ قىزمەت كورسەتۋشىلەر تىزىمىنەن ەمحانانى تاڭداۋ قاجەت. اتالعان ءتىزىم قوردىڭ fms.kz سايتىندا ورنالاسقان. تاڭداۋ جاسالعاننان كەيىن ازامات ۇيىمنىڭ تىركەۋ بولىمىنە جەكە كۋالىگىمەن كەلىپ, باس ءدارىگەردىڭ اتىنا ءوتىنىش جازۋى قاجەت. ەمحاناعا تىركەلۋ بارىسىندا ءوتىنىش قابىلدانبايتىن جاعدايلار بولادى جانە ولاردى تۇسىنىستىكپەن قابىلداعان ءجون.
بىرىنشىدەن, ءبىر ءدارىگەرگە تىركەلگەن ادام سانى ەكى مىڭنان اسىپ كەتكەن جاعدايدا, ءوتىنىش جازعان ازامات مەديتسينالىق قىزمەت كورسەتۋ ايماعىنان تىس جەردە تۇرىپ جاتقان بولسا, ونىڭ ءوتىنىشى قابىلدانبايدى. ال وسى مەديتسينالىق ۇيىمعا قارايتىن اكىمشىلىك ۋچاسكەسىنىڭ تۇرعىلىقتى تۇرعىنىنىڭ ءوتىنىشى ەسكەرىلەدى.
ەكىنشىدەن, ەمحانانىڭ قىزمەت كورسەتەتىن ۋچاسكەسىنەن تىس اۋماقتا تۇراتىن ادام ۇيگە دارىگەر شاقىرتۋ قىزمەتىنەن باس تارتۋعا كەلىسپەگەن جاعدايدا, ول ازامات ءدال وسى ەمحاناعا تىركەۋگە تۇرا المايدى. ويتكەنى مەديتسينا ماماندارى دەر كەزىندە ناۋقاستىڭ ۇيىنە كومەك كورسەتۋ ءۇشىن بەرىلگەن ۋاقىت ىشىندە جاياۋ جەتىپ ۇلگەرمەيدى.
ەمحاناعا تىركەلۋدىڭ ەكىنشى جولى – ونلاين تارتىپتە, egov.kz پورتالى ارقىلى. ول ءۇشىن ازاماتتىڭ ەلەكتروندىق تسيفرلىق قولتاڭباسى بولعانى جەتكىلىكتى.
قازاقستاندا تۇراقتى تۇرىپ جاتقان شەتەل ازاماتتارى مەن ازاماتتىعى جوق تۇلعالارعا كەلەتىن بولساق, ولار ەمحانالارعا كەدەرگىسىز تىركەلە الادى.
ازاماتتار باسقا بمسك ۇيىمىنا تۇرعىلىقتى مەكەنجايىن, جۇمىسىن, وقۋ ورنىن اۋىستىرعاندا, جازاسىن وتەۋ مەرزىمى اياقتالعاننان كەيىن, اسكەري قىزمەتىن وتەپ بولعاننان كەيىن, العاشقى مەديتسينالىق-سانيتارلىق كومەك ۇيىمى قايتا ۇيىمداستىرىلعاندا نەمەسە تاراتىلعان جاعدايدا, سونىمەن قاتار, بۇرىنعى ەمحاناداعى قىزمەت ساپاسى كوڭىلدەن شىقپايتىن بولسا, باسقا ەمحاناعا تىركەلە الادى.
ەستەرىڭىزگە سالا كەتسەك, امسق مەديتسينالىق مەكەمەلەردىڭ قىزمەت كورسەتۋ ساپاسىن باعالاۋ ماقساتىندا «مسق: حالىقتىق باقىلاۋ» ءموبيلدى قوسىمشاسىن ىسكە قوسقان بولاتىن. موبيلدىك قوسىمشا ازاماتتار ءۇشىن ەمحانا تاڭداۋ ماسەلەسىن ەداۋىر جەڭىلدەتەتىنى ءسوزسىز.
«ەلوردادا كەپىلدەندىرىلگەن تەگىن مەديتسينالىق كومەك كورسەتۋ اياسىندا تۇرعىندارعا 51 ۇيىم قىزمەت كورسەتەدى. بۇل كورسەتكىش الدىڭعى جىلمەن سالىستىرعاندا ەداۋىر ءوستى» دەيدى استانا قالاسى بويىنشا «الەۋمەتتىك مەديتسينالىق ساقتاندىرۋ» قورىنىڭ كەاق فيليالى ديرەكتورىنىڭ ورىنباسارى ا.امانگەلديەۆ.
دەرەك پەن دايەك
استانا قالاسى قوعامدىق دەنساۋلىق ساقتاۋ باسقارماسىنا قاراستى 37 مەديتسينالىق مەكەمە جۇمىس ىستەيدى.
جىل سايىن:
ەلوردادا 30 000-عا جۋىق نارەستە دۇنيەگە كەلەدى.
باسقا ايماقتاردان كەلىپ ەمدەلەتىندەر 65 000-نان اسادى.
استانادا ەمدەلىپ جاتقان ءاربىر 3-ءشى ناۋقاس قالادان تىس جەردە تۇرادى. ەلوردادا ءومىر ءسۇرۋ ۇزاقتىعىنىڭ كورسەتكىشى – 76,2 جاس.
ەلوردانىڭ 20 جىلدىعىندا تۋ كورسەتكىشى 2,3 ەسەگە ءوستى
ءولىم دەڭگەيى 2,8 ەسەگە ءتومەندەدى
تۋبەركۋلەزدەن ءولىم – 18,6 ەسە
ميوكارد ينفاركتىسىنەن – 4,1 ەسە
انا ءولىمى – 11,8 ەسە
ءسابي ءولىمى 3,5 ەسە تومەندەدى.
2018 جىلدىڭ ءبىرىنشى جارتىسىندا قالا اۋرۋحانالارىندا 25 000-نان اسا پاتسيەنت ەمدەلدى.
4 500-دەن اسا وتا جاسالدى
تۇرعىندار جەدەل جاردەم قىزمەتىنە 190 000 رەت جۇگىندى
تەگىن ءدارى-دارمەك 60 000-نان اسا پاتسيەنتكە بەرىلدى
217 000-نان اسا ادام ءبىرىڭعاي اقپاراتتىق مەديتسينالىق call-ورتالىعىنا ءجۇگىندى.
«SMART Meديتسينا» جوباسى بويىنشا 800 000-نان اسا مەديتسينالىق قۇجاتتار ەلەكتروندىق فورماتقا كوشىرىلدى.
استانا تۇرعىندارىنىڭ 93%-ى ەلەكتروندى دەنساۋلىق پاسپورتىنا يە بولدى.