«استانا – بۋراباي» اۆتوبانىنىڭ پايدالانۋعا بەرىلگەنىنە كوپ بولا قويماسا دا, ول ەل ەكونوميكاسىنىڭ ءبۇيىرىن تولتىرۋعا ۇلەس قوسۋدا.
اتاپ ايتقاندا, وتكەن جىلدىڭ التى ايىنىڭ ىشىندە عانا وسى اقىلى جولدان سەگىز ءجۇز ميلليون تەڭگەدەن استام قارجى جينالدى. بۇل اقشا نەگىزىنەن جولدى پايدالانۋعا جۇمسالدى. ال, بيىلعى جىلى اۆتوبان ارقىلى ءبىر ميلليارد ەكى ءجۇز ميلليون تەڭگە قارجى جيناۋ جوسپارلانىپ وتىر.
بۇل جونىندە قازاقستان رەسپۋبليكاسى كولىك جانە كوممۋنيكاتسيا ۆيتسە-ءمينيسترى م.پىشەمباەۆ: «اقمولا وبلىسىنداعى بۇلاندى, بۋراباي, اقكول اۋداندارىنىڭ تۇرعىندارى قۇنى ءبىر مىڭ تەڭگەگە ابونەنتتىك بيلەت ساتىپ الىپ, ساپالى جولمەن ءارى-بەرى ءبىر جىل بويى ەركىن قاتىناي الادى. جەڭىل كولىك ءۇشىن 200 تەڭگە عانا بەلگىلەنگەن. نەگىزىنەن, ءبىز اقشانى ترانزيتتەن الامىز. بۇگىندە جۇك كولىكتەرى 4,5-5 مىڭ تەڭگە تولەيدى. ال, جينالعان اقشا جولدى كۇتىپ ۇستاۋعا جۇمسالادى. بۇل جولعا بيۋدجەتتەن اقشا المايمىز» دەدى.
ايتا كەتەرلىگى, اتالعان جولدا اقى تولەۋدىڭ ارالاس جۇيەسى ەنگىزىلگەن. اۆتوكولىك يەلەرى تەرمينال ارقىلى قولما-قول, سونداي-اق, بانك كارتالارى نەمەسە ارنايى ترانسپوندەرلەر ارقىلى دا اقى تولەي الادى. جالپى, «استانا – بۋراباي» اۆتوبانى ىسكە قوسىلعاننان بەرى جول-كولىك اپاتتارىنىڭ سانى 4,5 ەسەگە ازايعان.
ساعي ورال
