«تويدىڭ بولعانىنان بولادىسى قىزىق» دەۋشى ەدى قازاق. سولاي بولدى دا. گەنا بوكسشىمىز كەزەكتى قارسىلاسىن قۋىپ ءجۇرىپ سابادى.
كەزدەسۋ الدىندا الەمدەگى بىرنەشە سپورت ساراپشىلارى قازاق بوكسشىسىنىڭ بۇگىنگە دەيىنگى جەتىستىكتەرىن كەزدەيسوقتىققا بالاپ, اۆستراليالىق دانيەل گيلدىڭ جەڭىسىنە سەنىم بىلدىرگەن بولاتىن. بىراق گولوۆكين بارلىعىنىڭ اۋزىنا قۇم قۇيىپ, كۇللى الەمنىڭ كوز الدىندا قارسىلاسىن ءۇشىنشى راۋندتا نوكاۋتقا جىبەردى. كاسىپقوي بوكستا ءجۇرىپ قارسىلاسىن اۋەسقوي بوكستىڭ ۋاقىتىندا سۇلاتىپ ءتۇسىرۋ اركىمنىڭ قولىنان كەلە بەرمەسى انىق.
ءبىرىنشى ءبولىم بارىسىندا اۋىر سوققىدان نوكداۋن العان گيل قاباعىن جارىپ العان بولاتىن. سودان كەيىن-اق ونىڭ جاعدايى بەلگىلى بولدى, گەنا شابۋىلدى ءۇستى-ۇستىنە ۇدەتە ءتۇسۋ ارقىلى اقىرى دەگەنىنە جەتتى. وتىز ەكى جاسار قازاقستاندىق سپورتشى وسىمەن كاسىپقوي بوكستاعى 30-ىنشى جەڭىسىنە جەتىپ وتىر. ونىڭ 27-ءسىن ۋاقىتىنان بۇرىن اياقتاعان.
دايىنداعان: نۇريسلام قۇسپانعالي
