قازاق كۇرەسىنەن الەم مىقتىسى انىقتالادى
كەشە ەلوردادا قازاق كۇرەسىنەن VIII الەم بىرىنشىلىگىنىڭ جالاۋى كوتەرىلدى. بايراقتى باسەكەدە 33 ەلدەن كەلگەن 300-گە تارتا بالۋان بەلدەسەدى.الەم بىرىنشىلىگىنىڭ اشىلۋ سالتاناتىندا نۇر-سۇلتان قالاسى اكىمىنىڭ ورىنباسارى باقتيار ماكەن ءسوز سويلەپ, قازاقستان استاناسىنا كەلگەن شەتەلدىك دەلەگاتسيا وكىلدەرى مەن سپورتشىلارعا العىسىن ءبىلدىرىپ, ساتتىلىك تىلەدى. سونداي-اق بىرىككەن كۇرەس الەمىنىڭ بەلبەۋ كۇرەسى بويىنشا بۇكىلالەمدىك كوميتەتىنىڭ پرەزيدەنتى چولپون سۋلتانبەكوۆا,
دۇنيەجۇزىلىك «قازاق كۇرەسى» فەدەراتسياسىنىڭ پرەزيدەنتى بولىپ سايلانعان اليك شپەكباەۆ الەم بىرىنشىلىگىن ۇيىمداستىرۋشىلار مەن سپورتشىلارعا ريزاشىلىقتارىن ءبىلدىردى.
دۇنيەجۇزىلىك «قازاق كۇرەسى» فەدەراتسياسىنىڭ ۇيىمداستىرۋىمەن ءوتىپ جاتقان چەمپيوناتقا «Eurasian Resources Group» (ERG) كومپانياسى قولداۋ كورسەتتى.
«داۋلەت» سپورت كەشەنىندە وتەتىن جارىس بارىسىندا ەرلەر مەن ايەلدەر اراسىندا 12 سالماق دارەجەسىندە جۇلدەلەر ساراپقا سالىنادى. جانكۇيەرلەر چەمپيوناتتى «QAZSPORT» تەلەارناسى ارقىلى دا تاماشالاي الادى.