«قازاقكونتسەرت» مەملەكەتتىك كونتسەرتتىك ۇيىمى بيىلعى بالالار جىلىنىڭ اياسىندا «بالالار فيلارمونياسى», «ارمان اسۋلارى» جوبالارىن قولعا الىپ, حالىقارالىق «Alem saz» فەستيۆالىن, «ورتەكە» ءداستۇرلى تەاتر ونەرى فورۋمىن وتكىزەدى, «الدار كوسە» ميۋزيكلىنىڭ پرەمەراسىن ۇسىنادى.
«ارمان اسۋلارى» اتتى ەرەكشە بالالارعا ارنالعان ينكليۋزيۆتى جوبانى باستاعالى جاتىرمىز. ەلىمىز بويىنشا تالانتى بار ەرەكشە بالالاردى جيناپ, ساحناعا شىعۋىنا جاعداي جاسايمىز. سول سياقتى ولار ءبىزدىڭ ونەر جۇلدىزدارىمەن بىرگە ءان ايتاتىن بولادى. سونىمەن قاتار بىزدە «ورتەكە» اتتى قۋىرشاقتار تەاترى بار. اتالعان ونەر ۇجىمى بيىل يۋنەسكو-نىڭ تىزىمىنە ەندى. وسى ورايدا ەلىمىزدە قۋىرشاقتار فورۋمىن وتكىزۋ جوسپاردا بار» دەيدى «قازاقكونتسەرت» ديرەكتورىنىڭ شىعارماشىلىق قىزمەت بويىنشا ورىنباسارى سەرىك نۇرمولداەۆ.
سونىمەن قاتار «قازاقكونتسەرتتە» بالالارعا ارنالعان «جازعى كينو» جوباسى جالعاسىپ جاتىر. 16 تامىز كۇنى جەتكىنشەكتەر ساعات 10.00 جانە 12.00-دە «پاراليمپيەتس» ءفيلمىن تاماشالاي الادى. جاس شەكتەۋلىگى 6+. بيلەتتەر الۋ ءۇشىن: 8 708 888 1991 نومىرىنە WhatsApp الەۋمەتتىك جەلىسى ارقىلى جازۋ كەرەك.
