بيىل ۇلتتىق مۋزەيدە بالالار جىلىنىڭ اياسىندا قولعا الىنعان «مۋزەيدەگى جازعى دەمالىس» جوباسى تامىز ايىندا دا ءوز جۇمىسىن جالعاستىرۋدا. جوبانىڭ ماقساتى – ينتەراكتيۆتى تانىمدىق ەكسكۋرسيالار, ويىن تۇرىندەگى ءىس-شارالار ارقىلى جەتكىنشەكتەرگە حالقىمىزدىڭ تاريحي-مادەني مۇراسىن تانىستىرۋ, مۋزەيگە دەگەن قىزىعۋشىلىقتارىن وياتۋ, بالالاردىڭ جازعى بوس ۋاقىتىن پايدالى وتكىزۋ.
جوباعا ەلىمىزدىڭ تۇكپىر-تۇكپىرىنەن كەلگەن وقۋشىلار قاتىسۋدا. وسى جولى پاۆلودار وبلىسى شارباقتى اۋدانىنىڭ اۋىلدارىنان كەلگەن ءبىر توپ بالا مۋزەيدى تاماشالادى. بالالار قىزىقتى ەكسكۋرسيالارعا قاتىسىپ, مۋزەي ەكسپوزيتسيالارىمەن تانىسىپ, ونەر مەن شىعارماشىلىق اتموسفەراسىنا ەندى. مۋزەي پەداگوگتارى بالالاردىڭ شىعارماشىلىق قابىلەتتەرىن انىقتاۋعا جانە دامىتۋعا باعىتتالعان شەبەرلىك ساباقتارىن وتكىزدى.
