رەسەي فەدەراتسياسىنىڭ پرەزيدەنتى ۆلاديمير پۋتين ءوز جولداۋىندا نۇرسۇلتان نازارباەۆتى تۋعان كۇنىمەن قۇتتىقتاپ, ەكى ەل اراسىنداعى وداقتاستىق پەن ستراتەگيالىق سەرىكتەستىكتى دامىتۋداعى ونىڭ ەڭبەگىن اتاپ ءوتتى. سونداي-اق ول ەلباسىنىڭ ەۋرازيالىق كەڭىستىكتەگى تاتۋ كورشىلىكتى, تۇراقتىلىق پەن قاۋىپسىزدىكتى قامتاماسىز ەتۋگە قوسقان ۇلەسىنە توقتالدى.
«ەاەو كوبىنە-كوپ ءسىزدىڭ جەكە كۇش-جىگەرىڭىز ارقىلى كوپجاقتى ىنتىماقتاستىقتىڭ الەمدىك ارەناداعى ەلەۋلى بەدەلگە يە ءتيىمدى قۇرىلىمى رەتىندە بەكىدى. سىزبەن دوستىق قارىم-قاتىناسىمىزدىڭ جانە رەسەي-قازاقستان بايلانىستارىنىڭ بۇكىل اۋقىمىن ودان ءارى نىعايتۋ باعىتىنداعى بىرلەسكەن سىندارلى جۇمىستاردىڭ جالعاساتىنىنا سەنەمىن», – دەلىنگەن حاتتا.
قىتاي حالىق رەسپۋبليكاسىنىڭ توراعاسى سي تسزينپين نۇرسۇلتان نازارباەۆتىڭ تۋعان كۇنىنە وراي جىلى لەبىزىن ءبىلدىردى.
«قازاقستان مەن قىتاي اراسىنداعى ىنتىماقتاستىقتى, جەكە دوستىقتى جانە ءوزارا قارىم-قاتىناس دەڭگەيىن جوعارى باعالايمىن. سىزبەن جۋىقتا تاشكەنتتە بولعان كەزدەسۋ بارىسىندا ءبىز ماڭىزدى ۋاعدالاستىقتارعا قول جەتكىزدىك جانە ەكىجاقتى ءوزارا قارىم-قاتىناستاردى ودان ءارى نىعايتۋ, ءتۇرلى سالالارداعى ىنتىماقتاستىقتى دامىتۋ ماسەلەلەرى جونىندە پىكىر الماستىق», – دەلىنگەن جولداۋدا.
بۇدان بولەك سي تسزينپين ەكى مەملەكەت حالىقتارىنىڭ يگىلىگى جولىندا جان-جاقتى ستراتەگيالىق سەرىكتەستىكتى جاڭا دەڭگەيگە كوتەرۋ ماقساتىمەن ودان ءارى ىنتىماقتاسۋعا ءازىر ەكەنىن جەتكىزدى.
سونداي-اق قىرعىز رەسپۋبليكاسىنىڭ پرەزيدەنتى المازبەك اتامباەۆ, تاجىكستان رەسپۋبليكاسىنىڭ پرەزيدەنتى ەمومالي راحمون, بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو, ۋكراينا پرەزيدەنتى پەتر پوروشەنكو, ءازىربايجان رەسپۋبليكاسىنىڭ پرەزيدەنتى يلحام اليەۆ, ارمەنيا رەسپۋبليكاسىنىڭ پرەزيدەنتى سەرج سارگسيان, گرۋزيا پرەزيدەنتى گيورگي مارگۆەلاشۆيلي, يزرايل مەملەكەتىنىڭ پرەزيدەنتى رەۋۆەن ريۆلين قۇتتىقتاۋ جەدەلحاتتارىن جولدادى. مەملەكەت باسشىلارى نۇرسۇلتان نازارباەۆتى تۋعان كۇنىمەن قۇتتىقتادى. ونىڭ قازاقستاننىڭ قارقىندى دامۋىنداعى باعا جەتپەس ءرولىن اتاپ ءوتىپ, جاۋاپتى قىزمەتىندە تابىستى بولۋىنا تىلەكتەستىكتەرىن ءبىلدىردى.
وزبەكستان رەسپۋبليكاسىنىڭ پرەزيدەنتى يسلام كارىموۆ ءوز قۇتتىقتاۋىندا قازاقستاننىڭ بۇۇ قاۋىپسىزدىك كەڭەسىنىڭ 2017-2018 جىلدارداعى تۇراقتى ەمەس مۇشەسى بولىپ سايلانۋى ەلىمىزدىڭ حالىقارالىق ارەناداعى بيىك بەدەلىنىڭ الەمدىك قوعامداستىق تاراپىنان مويىندالۋى بولىپ سانالاتىنىن اتاپ وتكەن.
نۇرسۇلتان نازارباەۆتىڭ تاۋەلسىز قازاقستاننىڭ كوشباسشىسى رەتىندەگى قىزمەتى مەن جۇرگىزىپ جاتقان رەفورمالارى حالىقارالىق جانە شەتەلدىك ۇيىمدار مەن قۇرىلىمدار وكىلدەرىنەن ونىڭ تۋعان كۇنىنە جانە استانا كۇنىنە بايلانىستى كەلىپ تۇسكەن قۇتتىقتاۋلاردا جوعارعى باعالانعان. ولاردىڭ قاتارىندا ەەك كوللەگياسىنىڭ توراعاسى ت.ساركيسيان, تمد اتقارۋشى كوميتەتىنىڭ توراعاسى – اتقارۋشى حاتشى س.لەبەدەۆ, تمد ەكونوميكالىق سوتىنىڭ توراعاسى ل.كامەنكوۆا, ۇجىمدىق قاۋىپسىزدىك شارتى ۇيىمىنىڭ باس حاتشىسى ن.بورديۋجا, اقش كونگرەسى وكىلدەر پالاتاسىنىڭ حالىقارالىق ىستەر جونىندەگى كوميتەتىنىڭ مۇشەسى, ەۋروپا, ەۋرازيا ىستەرى جانە جاڭا سىن-قاتەرلەر جونىندەگى توراعا د.روراباكەر, لاتۆيا اتىنان ەۋروپا پارلامەنتىندەگى دەپۋتات, ەپ-نىڭ ورتالىق ازيا جونىندەگى دەلەگاتسياسىنىڭ توراعاسى ي.گريگۋلە, قحر توتەنشە جانە وكىلەتتى ەلشىسى چجان حانحۋەي, بولگاريا رەسپۋبليكاسىنىڭ توتەنشە جانە وكىلەتتى ەلشىسى ۆ.پەتكوۆ, پالەستينا مەملەكەتىنىڭ توتەنشە جانە وكىلەتتى ەلشىسى م.ابۋ زەيد بار.
قازاقستان پرەزيدەنتىنىڭ تۋعان كۇنى جانە استانا كۇنىمەن قۇتتىقتاۋلاردىڭ بىرقاتارى رەسەي فەدەراتسياسىنان كەلىپ ءتۇستى. رەسەي فەدەراتسياسى ۇكىمەتىنىڭ توراعاسى دميتري مەدۆەدەۆ, سىرتقى بارلاۋ قىزمەتىنىڭ ديرەكتورى م.فرادكوۆ, رەسەي فەدەرالدىق جينالىسى مەملەكەتتىك دۋماسىنىڭ دەپۋتاتى ۆ.رەسين, رەسەي فەدەرالدىق جينالىسى فەدەراتسيا كەڭەسىنىڭ مۇشەسى ن.رىجكوۆ, باشقۇرتستان رەسپۋبليكاسىنىڭ باسشىسى رۇستەم حاميتوۆ, ينگۋشەتيا رەسپۋبليكاسىنىڭ باسشىسى يۋنۋس-بەك ەۆكۋروۆ, داعىستان رەسپۋبليكاسىنىڭ باسشىسى رامازان ابدۋلاتيپوۆ, گۋبەرناتورلار: كەمەروۆ وبلىسىنىڭ گۋبەرناتورى ا.تولەەۆ, كۋرسك وبلىسىنىڭ گۋبەرناتورى ا.ميحايلوۆ, پەنزا وبلىسىنىڭ گۋبەرناتورى ي.بەلوزەرتسەۆ, سۆەردلوۆ وبلىسىنىڭ گۋبەرناتورى ە.كۋيۆاشەۆ, استراحان وبلىسىنىڭ گۋبەرناتورى ا.جيلكين, بايقوڭىر قالاسى اكىمشىلىگىنىڭ باسشىسى ا.پەترەنكو, تاتارستاننىڭ تۇڭعىش پرەزيدەنتى م.شايميەۆ ءوز حاتتارىندا مەملەكەت باسشىسىنىڭ قازاقستان حالقىنىڭ يگىلىگى جولىنداعى جاسامپاز بەلسەندىلىگىن اتاپ وتكەن.
ەلباسىنىڭ اتىنا رەسەي جانە شەتەلدىك ىسكەر توپتار وكىلدەرىنىڭ جولداعان حاتتارىندا ەكونوميكالىق جەتىستىكتەر عانا ايتىلىپ قويماي, قازاقستان حالقىن وزگەرىستەر جولىندا بىرىكتىرگەن قوعامدىق كەلىسىم ساياساتىنىڭ تيىمدىلىگى دە اتاپ وتىلگەن. نۇرسۇلتان نازارباەۆتى تۋعان كۇنىمەن جانە استانا كۇنىمەن قۇتتىقتاعاندار: ساۋدا-ونەركاسىپ پالاتاسىنىڭ پرەزيدەنتى س.كاتىرين, «رەسەي تەمىر جولدارى» ااق پرەزيدەنتى و.بەلوزەروۆ, «گازپروم» كاق باسقارما توراعاسى ا.ميللەر, «گازپروم مۇناي» ااق باس ديرەكتورى ا.ديۋكوۆ, «روساتوم» مەمكورپوراتسياسىنىڭ باس ديرەكتورى س.كيريەنكو, «سبەربانك» كاق باسقارما توراعاسى گ.گرەف, ەۋرازيالىق دامۋ بانكىنىڭ توراعاسى د.پانكين, «روسنانو» بك» جشق باسقارما توراعاسى ا.چۋبايس, «بانك ۆتب» كاق باسقارما توراعاسى ا.كوستين, «رۋسال» كومپانياسىنىڭ باس ديرەكتورى و.دەريپاسكا, «ترانسنەفت» اك» ااق ۆيتسە-پرەزيدەنتى ۆ.رۋشايلو, «رۋسنەفت» ۇك» اق ديرەكتورلار كەڭەسىنىڭ توراعاسى ي.گۋتسەريەۆ, «مەچەل» كاق ديرەكتورلار كەڭەسىنىڭ توراعاسى ي.زيۋزين, «بپس-سبەربانك» ااق باسقارما توراعاسى س.ينيۋشين, «ارەتي» حالىقارالىق كومپانيالار توبىنىڭ پرەزيدەنتى ي.ماكاروۆ, «ينتەر راو ەەس» ەنەرگەتيكا كومپانياسى مەن «مير» مەملەكەتارالىق تەلەراديوكومپانياسىنىڭ وكىلدەرى, «ەني» كومپانياسىنىڭ باس اتقارۋشى ديرەكتورى ك.دەسكالتسي, Engineering and Construction Consolidated Contractors Company كومپانياسىنىڭ پرەزيدەنتى س.كحۋري.
تاسس اقپارات اگەنتتىگى باس ديرەكتورىنىڭ ءبىرىنشى ورىنباسارى م.گۋسماننىڭ, «كاسىپوداقتاردىڭ جالپىعا ورتاق كونفەدەراتسياسى» حالىقارالىق بىرلەستىگىنىڭ باس حاتشىسى ۆ.ششەرباكوۆتىڭ, ماسكەۋ مەملەكەتتىك حالىقارالىق قاتىناستار ينستيتۋتىنىڭ رەكتورى, رعا اكادەميگى ا.توركۋنوۆتىڭ, مەملەكەتارالىق اۋە كوميتەتىنىڭ توراعاسى ت.انودينانىڭ, رەسەي كوركەم ونەر اكادەمياسىنىڭ پرەزيدەنتى ز.تسەرەتەليدىڭ, ەۋروپالىق گەرونتولوگيا جانە گەرياتريا قاۋىمداستىعىنىڭ پرەزيدەنتى ۆ.حاۆينسوننىڭ قازاقستان پرەزيدەنتىنە جولداعان قۇتتىقتاۋ حاتتارىندا تۋعان كۇنىنە جانە استانا كۇنىنە وراي جىلى لەبىزدەر ايتىلعان.
مەملەكەت باسشىسىن تۋعان كۇنىمەن جانە استانا كۇنىمەن قۇتتىقتاعان كوپتەگەن حاتتار مەن جەدەلحاتتار ەل ازاماتتارىنان, سونداي-اق رەسپۋبليكامىزدىڭ ءتۇرلى كاسىپورىندارى مەن مەكەمەلەرىنىڭ ۇجىمدارىنان دا كەلىپ ءتۇستى.
قازاقستان پرەزيدەنتىنىڭ ەلدىڭ جۇيەلى الەۋمەتتىك-ەكونوميكالىق دامۋىن قامتاماسىز ەتۋ جانە قولايلى ىسكەرلىك احۋال قالىپتاستىرۋ ىسىندەگى ەڭبەگىن «قازمىرىش» كومپانيالار توبىنىڭ, ERG, «تەڭىزشەۆرويل» جشس ەڭبەك ۇجىمدارى اتاپ ايتقان.
قازاقستان پرەزيدەنتىنىڭ اتىنا قازاقستان پراۆوسلاۆ شىركەۋىنىڭ باسشىسى, استانا مەن قازاقستان ءميتروپوليتى الەكساندردان, قازاقستان كاسىپوداق فەدەراتسياسىنىڭ توراعاسى ب.قاجيەۆتان, «الجير» ساياسي قۋعىن-سۇرگىن جانە توتاليتاريزم قۇرباندارىنىڭ مەموريالدىق-مۇراجاي كەشەنى» مكقك ديرەكتورى ب.جۇنىسبەكوۆتەن, قازاقستاننىڭ حالىق ءارتىسى ب.ايۋحانوۆتان, ۇلى وتان سوعىسىنىڭ ارداگەرى, الماتى قالاسىنىڭ قۇرمەتتى ازاماتى س.جيەنباەۆتان, WBA, IBO, WBC جانە IBF تۇجىرىمدارى بويىنشا ورتا سالماقتاعى الەم چەمپيونى گ.گولوۆكيننەن, «ەلباسى-كۋرستاستارى» قوعامدىق قورىنىڭ, تەمىرتاۋ قالاسىنىڭ «اقساقالدار القاسى» قوعامدىق بىرلەستىگىنىڭ وكىلدەرىنەن, الماتى وبلىسى قاراساي اۋدانىنىڭ ارداگەرلەر كەڭەسىنەن, الماتى قالالىق ءفاشيزمنىڭ كامەلەتكە تولماعان بۇرىنعى تۇتقىندارى ۇيىمىنان, وڭتۇستىك قازاقستان وبلىسىنىڭ ەتنومادەني بىرلەستىكتەرى مەن ارداگەرلەرىنىڭ وكىلدەرىنەن, «جانۋبي كوزوگيستون» جانە «كەشكى تالدىقورعان» گازەتتەرىنەن قۇتتىقتاۋلار كەلىپ ءتۇستى.
قۋاتتى قازاقستان تابىستارى نۇرسۇلتان نازارباەۆ ەسىمىمەن تىكەلەي بايلانىستى ەكەنى اتاپ وتىلگەن كوپتەگەن قۇتتىقتاۋ حاتتار ءبىلىم بەرۋ مەن دەنساۋلىق ساقتاۋ سالاسىنىڭ مەكەمەلەرى مەن قىزمەتكەرلەرىەن كەلىپ ءتۇستى. ولاردىڭ قاتارىندا قازاق ۇلتتىق اگرارلىق ۋنيۆەرسيتەتىنىڭ رەكتورى ت.ەسپولوۆ, قازاقستاننىڭ حالىق ءارتىسى, قازاقستان ۇلتتىق ونەر ۋنيۆەرسيتەتىنىڭ رەكتورى ا.مۇساقوجاەۆا, رەسەي جاراتىلىستانۋ اكادەمياسىنىڭ پروفەسسورى م.وتەۋباەۆ, پروفەسسور, قر ۇعا اكادەميگى ءا.بەيسەنوۆا, ادەبيەتتانۋشى عالىم, قر ۇعا اكادەميگى س.قيراباەۆ, قازاقستان-امەريكا ەركىن ۋنيۆەرسيتەتىنىڭ پرەزيدەنتى ە.مامبەتقازين جانە «نازارباەۆ زياتكەرلىك مەكتەپتەرى» ااق, قاراعاندى مەملەكەتتىك تەحنيكالىق ۋنيۆەرسيتەتىنىڭ, وڭتۇستىك قازاقستان وبلىسىنىڭ دەنساۋلىق ساقتاۋ باسقارماسى مەن جەتەكشى مەديتسينالىق مەكەمەلەرىنىڭ, استاناداعى «ءداستۇرلى جانە حالىقتىق مەديتسينا ورتالىعى» جشس-نىڭ ۇجىمدارى بار.
الماتىدان گ.داركەمباەۆا مەن شەفۋزوۆتار وتباسى, ورالدان ا.ۆانتەەۆ, تالدىقورعاننان ا.جۇمان, تەمىرتاۋدان ب.قالماحانوۆ, شىمكەنتتەن ە.كوپجاسارۇلى, تارازدان ت.وماروۆ ءوز قۇتتىقتاۋلارىن ولەڭمەن ورنەكتەگەن.
سونداي-اق مەملەكەت باسشىسىن تۋعان كۇنىمەن جانە استانا كۇنىمەن قۇتتىقتاپ, ىزگى تىلەكتەرىن الماتىدان س.ليۋلينا, قاراعاندىدان ا.بارلىقباەۆ, شىمكەنتتەن د.يريسوۆا, قوستانايدان ن.ولچەنكو, الماتى وبلىسىنان ت.چۋناەۆا جولدادى.
قۇتتىقتاۋلاردىڭ اراسىندا ەلىمىزدىڭ ازيا-تىنىق مۇحيتى مەملەكەتتەرى توبىنان بىرىككەن ۇلتتار ۇيىمى قاۋىپسىزدىك كەڭەسىنىڭ 2017-2018 جىلدارداعى تۇراقتى ەمەس مۇشەسى بولىپ سايلانۋىنا بايلانىستى حاتتار دا بار.
تمد پارلامەنتارالىق اسسامبلەيا كەڭەسىنىڭ باس حاتشىسى ا.سەرگەەۆ, سونداي-اق ونىڭ ورىنباسارى – قر پارلامەنتىنىڭ تمد پارلامەنتارالىق اسسامبلەياسى مەن ۇقشۇ پارلامەنتتىك اسسامبلەياسىنداعى وكىلى ح.باكەنوۆ, «شەۆرون» كورپوراتسياسى ديرەكتورلار كەڭەسىنىڭ توراعاسى جانە باس اتقارۋشى ديرەكتورى دج.ۋوتسون قازاقستاننىڭ الەمدىك ارەناداعى بەدەلى جوعارى ەكەنىن اتاي وتىرىپ, مەملەكەت باسشىسىنىڭ رەسپۋبليكانى دامىتۋ جولىنداعى كوپقىرلى قىزمەتىندە جاڭا تابىستارعا جەتۋىنە تىلەكتەستىكتەرىن بىلدىرگەن.
تاريحي وقيعاعا بايلانىستى نۇرسۇلتان نازارباەۆقا ۆەلوسيپەد سپورتىنان وليمپيادا چەمپيونى ا.ۆينوكۋروۆ جىلى لەبىزدى قۇتتىقتاۋىن جولدادى.
بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلاۋداعى قازاقستاننىڭ جەڭىسى شىعارماشىل زيالى قاۋىمنىڭ, سونداي-اق ءبىلىم, ونەر جانە مادەنيەت سالالارىنىڭ وكىلدەرى اراسىندا دا كەڭىنەن قولداۋ تاپتى. ۇلتتىق اكادەميالىق كىتاپحانانىڭ, قازاقستان رەسپۋبليكاسىنىڭ ورتالىق مەملەكەتتىك مۋزەيىنىڭ, قازاق ۇلتتىق ونەر ۋنيۆەرسيتەتىنىڭ, ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ, پ.چايكوۆسكي اتىنداعى الماتى مۋزىكا كوللەدجىنىڭ, ا.سەلەزنەۆ اتىنداعى الماتى حورەوگرافيا ۋچيليششەسىنىڭ, و.تاڭسىقباەۆ اتىنداعى الماتى دەكوراتيۆتىك-قولدانبالى ونەر كوللەدجىنىڭ, اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ, «استانا بالەت» تەاترىنىڭ, م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ, ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ, مەملەكەتتىك اكادەميالىق بي تەاترىنىڭ, قۇرمانعازى اتىنداعى قازاق مەملەكەتتىك اكادەميالىق حالىق اسپاپتارى وركەسترىنىڭ, «سالتانات» مەملەكەتتىك بي ءانسامبلىنىڭ ۇجىمدارى قۇتتىقتاۋلارىن جولدادى.
نۇرسۇلتان نازارباەۆتىڭ اتىنا جەدەلحاتتار بىرقاتار مەملەكەتتىك قايراتكەرلەردەن, ورتالىق جانە جەرگىلىكتى مەملەكەتتىك ورگاندار جەتەكشىلەرىنەن, قازاقستاننىڭ ساياسي پارتيالارى وكىلدەرىنەن, سونداي-اق ەلىمىزدىڭ شەتەلدەردەگى ديپلوماتيالىق ميسسيالارنىڭ باسشىلارىنان كەلدى.
كەلىپ تۇسكەن حاتتارمەن تانىسقان مەملەكەت باسشىسى قۇتتىقتاۋ جولداعان بارشا اۆتورلارعا جىلى لەبىزدەرى مەن تىلەكتەرى ءۇشىن زور العىسىن ءبىلدىردى.
akorda.kz
