قورعانىس ءمينيسترى ساكەن جاسۇزاقوۆتىڭ ايتۋىنشا, مەملەكەت باسشىسى نۇرسۇلتان نازارباەۆ اسكەري باقىلاۋشى جانە شتاب وفيتسەرى رەتىندە قازاقستان قارۋلى كۇشتەرى قىزمەتكەرلەرىنىڭ بۇۇ-نىڭ ميسسيالارىنا قاتىسۋ گەوگرافياسىن كەڭەيتۋدى ۇسىنعان.
«قازاقستان قارۋلى كۇشتەرىنىڭ 40 وفيتسەرىن بۇۇ-نىڭ تاياۋ شىعىستاعى ميسسياسىنا, كيپردەگى بەيبىتشىلىكتى قورعاۋعا, اسكەري باقىلاۋشى رەتىندە ءۇندىستان مەن پاكىستانعا, بۇۇ-نىڭ ۋاقىتشا اسكەري كۇشتەرى ەسەبىندە ليۆانعا, رەفەرەندۋم وتكىزۋ ءۇشىن باتىس ساحاراعا جىبەرۋ تۋرالى ۇسىنىس ەنگىزەمىن» دەگەن پرەزيدەنتتىڭ ءسوزىن مينيستر وقىپ بەردى. قوس پالاتا دەپۋتاتتارى ەلباسىنىڭ ۇسىنىسىن قولدادى.
وتىرىستان كەيىن جۋرناليستەر ساكەن جاسۇزاقوۆتان تاياۋ شىعىس ەلدەرىنىڭ اراسىندا سيريانىڭ بار-جوعىن سۇرادى. «سيريا ءبىز جوسپارلاعان ەلدەردىڭ تىزىمىنە كىرمەيدى. ءبىز وفيتسەرلەرىمىزدى جىبەرەتىن ەلدەردىڭ بارلىعىندا قاۋىپسىزدىك قامتاماسىز ەتىلگەن. بۇۇ-نىڭ بۇل ميسسياسىنىڭ جۇزەگە اسىرىلىپ كەلە جاتقانىنا 40 جىل بولدى. ءۇندىستان – بارىنشا تىنىش, قاۋىپسىز مەملەكەت. ول جاقتا ەشقانداي قاۋىپ جوق» دەدى مينيستر بىردەن جاۋاپ قاتىپ. ونىڭ ۇستىنە, ءبىزدىڭ وفيتسەرلەرگە تولەنەتىن جالاقى كولەمى دە جوعارى ەكەن.
تولەن تىلەۋباي
