سەيسەنبى كۇنى قر پرەزيدەنتi جانىنداعى ورتالىق كوممۋنيكاتسيالار قىزمەتى الاڭىندا وتكەن بريفينگكە ەۋرازيالىق ىقپالداسۋ ينستيتۋتىنىڭ ديرەكتورى جانارگۇل قۇسماناليەۆا مەن ەۋرازيالىق ينتەگراتسيا ينستيتۋتىنىڭ ءبولىم مەڭگەرۋشىسى ۆلاديمير تەلنوۆ قاتىستى.
مەملەكەت باسشىسى نۇرسۇلتان نازارباەۆ ماسكەۋ مەملەكەتتىك ۋنيۆەرسيتەتىندە ەۋرازيالىق ينتەگراتسيا تاقىرىبىندا ءدارىس وقىعانى بەلگىلى. وسىعان بايلانىستى ءوز پىكىرىن بىلدىرگەن جانارگۇل قۇسماناليەۆا ەلباسىمىزدىڭ ءدارىسى ەكونوميكالىق جانە الەۋمەتتiك سالاداعى ۇزاق مەرزiمدi بولاشاققا ارنالعان جوسپارى ەكەنىن ايتتى. «پرەزيدەنت 2050 جىلى قازاقستاندى الەمنiڭ ەڭ دامىعان 30 ەلiنiڭ قاتارىنا ەنگىزۋ مiندەتiن قويدى. ءارى بiزدiڭ سەرiكتەستەرiمiزگە 2050 جىلعا قاراي الەمدەگi ينتەگراتسيالىق بiرلەستiكتەردiڭ كوشباسشىسى ۇشتiگiنە ەنۋدi ۇسىندى» دەيدى ول. ال, ەۋرازيالىق ينتەگراتسيا ينستيتۋتىنىڭ ەكونوميكالىق زەرتتەۋلەر ءبولىمىنىڭ مەڭگەرۋشىسى ۆلاديمير تەلنوۆ «قازىرگى ۋاقىتتا قازاقستان كەدەندىك وداق پەن ەۋرازيالىق ەكونوميكالىق وداق تۇرىندەگى ەۋرازيالىق ينتەگراتسيانىڭ ىرگەتاسىن قالادى» دەيدى.
– بۇل باستاما جاڭا تاريحي ۇدەرىسكە اينالدى. مەملەكەت باسشىسىنىڭ پىكىرىنشە, گۋميلەۆ ەڭبەكتەرى ەۋرازيا توسكەيىندەگى حالىقتىڭ باي تاريحي-مادەني قۇندىلىقتارىن دارىپتەپ, ونىمەن ماقتان تۇتۋعا مۇمكىندىك بەرەدى. ونىڭ اتالمىش يدەيالارىن بۇگىنگى تاڭدا نۇرسۇلتان نازارباەۆ قايتا كوتەرىپ, ەۋرازيالىق ىقپالداستىقتىڭ ارتىقشىلىقتارىن ايتىپ قانا قويماي, ىسكە اسىرۋدا, – دەيدى ول.
گۇلميرا شارحانقىزى
