قونىستوي كوبەيەدى
ەلوردادا الداعى 5 جىلدىڭ ىشىندە جالپى كولەمى 386 مىڭ شارشى مەتردى قۇرايتىن 7500-گە جۋىق پاتەر تاپسىرىلماق.
كەلەشەكتە تاپسىرىلاتىن تۇرعىن ۇيلەردىڭ ىشىندە ارەندالىق باسپانا – 60 مىڭ م2 (نەمەسە 1 403 پاتەر), نەسيەگە بەرىلەتىن باسپانا – 146 مىڭ م2 (2 942 پاتەر), «تۇرعىن ءۇي قۇرىلىس جيناق بانكى» ەسەبىنەن – 99 مىڭ م2 (1 705 پاتەر) جانە جەرگىلىكتى بيۋدجەت قارجىسىن قايتالاپ پايدالانۋ ەسەبىنەن – 80 مىڭ م2 (1 422 پاتەر).
استانا قالاسى اكىمدىگىنىڭ رەسمي سايتىنداعى مالىمەتكە سۇيەنسەك, 19 جىلدىڭ ىشىندە ەلوردادا 17 ملن شارشى مەتر تۇرعىن ءۇي پايدالانۋعا بەرىلگەن. بيىل تاعى 2 ميلليون شارشى مەتردەن استام باسپانانى بەرۋ جوسپارلانىپ وتىر.
سونداي-اق, 2017-2022 جىلدار ارالىعىندا استانا قالاسىندا اپاتتى ۇيلەردى بۇزۋ بويىنشا پيلوتتىق جوبانى ىسكە اسىرۋ شەڭبەرىندە 635 مىڭ م2 تۇرعىن ءۇي پايدالانۋعا بەرىلەدى, بۇل – 10 000-نان استام پاتەر.
باسپانالاردى پايدالانۋعا بەرۋ مەملەكەت باسشىسىنىڭ تاپسىرماسىمەن قولعا الىنعان مەملەكەتتىك باعدارلامالار اياسىندا جۇزەگە اسىرىلىپ وتىر.