ەلوردادا قۇرىلىس الاڭىنان 1 ملن تەڭگەنىڭ ارماتۋراسىن ۇرلاعان جاسوسپىرىمدەر ۇستالدى.
[smartslider3 slider=163]
16 جاستاعى ەكى ءجاسوسپىرىم قۇرىلىس نىسانىنان 1 ملن تەڭگەنىڭ ماتەريالىن ۇرلاپ كەتكەن. كامەلەتكە تولماعان بالالار بەس كۇن بويى كۇزەتسىز نىساننان ارقايسىسىنىڭ ۇزىندىعى 6 مەتر بولاتىن 39 دانا ارماتۋرانى الىپ شىققان. ۇرلانعان مەتالداردى تاياۋ ماڭدا ورنالاسقان مەتالل قابىلداۋ ورنىنا ساتىپ جىبەرگەن. جەدەل ىزدەستىرۋ ءىس-شارالارى بارىسىندا كامەلەتكە تولماعاندار قولعا ءتۇستى. پوليتسيا قىزمەتكەرلەرى ۇرلانعان ارماتۋرالاردى تاركىلەپ, يەسىنە قايتاردى.
ۆەدومستۆو مالىمەتىنشە, ۇستالعان بالالار كىنالارىن مويىندادى. ولاردىڭ ەلوردا اۋماعىندا جاسالعان وسىنداي قىلمىستارعا قاتىسى تەكسەرىلىپ جاتىر. قازىرگى ۋاقىتتا سوتقا دەيىنگى تەرگەۋ جۇرگىزىلۋدە.
