ەلوردادا قىس مەزگىلىندە جۇمىس جۇرگىزۋگە ەكى مىڭعا جۋىق تەحنيكا دايىن تۇر.
استانادا العاشقى قار ۇشقىنداپ, كۇن سۋىتا باستادى. بۇل قۇبىلىس الدىمىزدا قىس كەلە جاتقانىن اڭعارتتى.
«قىس – قاتال سىنشى» دەگەندى الدىن الا ەسكەرگەن استانا اكىمى اسەت يسەكەشەۆ ەلوردانىڭ قىسقى ماۋسىمعا دايىندىعىن قاداعالاپ, كوممۋنالدىق قىزمەتتەردىڭ جۇمىس جاعدايىمەن تانىستى. بيىلعى قىستا قالا كوشەلەرىن قاردان تازالاۋ جانە ونى شىعارۋعا ءۇش مىڭداي ادام جانە ەكى مىڭعا جۋىق ارنايى تەحنيكا جۇمىلدىرىلدى. تەحنيكالار قالا اۋداندارىنىڭ اۋماعىنا, جۇمىس اۋقىمىنا قاراي بولىنگەن. اتاپ ايتقاندا, الماتى اۋدانىندا – 395, سارىارقا اۋدانىندا – 349, ەسىل اۋدانىندا 294 مامانداندىرىلعان تەحنيكا جۇمىس ىستەيتىن بولادى.
«استانا تازالىق» جانە «استانا كوگالداندىرۋ قۇرىلىسى» كاسىپورىندارى دا قىسقى ماۋسىمعا تەحنيكالارىن تۇگەلدەي دايىنداپ قويعان.
قالاداعى كوممۋنالدىق تەحنيكانىڭ ءبىر بولىگى گازعا اۋىستىرىلعان.
بيىلعى ماۋسىمدا كوكتايعاقتى بولدىرماۋ ءۇشىن پيلوتتىق جوبا اياسىندا جاڭا بۋىنداعى «ايسمەلت» اتتى 1141 توننا رەاگەنت قولدانىلاتىن بولىپ وتىر. بۇل قوسپانى پايدالانۋ كەزىندە جولدار مەن تروتۋارلاردا كىر داقتار بولمايدى. سونىمەن قاتار, 26 238 تەكشە مەترگە ەسەپتەلگەن قۇم-تۇز قوسپاسى دا دايىندالعان.
قىس كەزىندەگى ناۋقاندىق جۇمىستاردى جۇرگىزەتىن مەكەمەلەر مەن كاسىپورىنداردىڭ جۇمىسىمەن تانىسقان قالا باسشىسى جاۋاپتى ماماندارعا تاپسىرمالار جۇكتەدى.
