ەلوردالىق مەديتسينالىق ۇيىمداردا 9 اي بۇرىن كوروناۆيرۋسقا قارسى ۆاكتسينا العان ازاماتتاردىڭ رەۆاكتسيناتسياسى باستالدى.
كەشەدەن بەرى مەديتسينالىق قىزمەتكەرلەر, سانيتارلىق-ەپيدەميولوگيالىق قىزمەت قىزمەتكەرلەرى مەن پەداگوگتار قايتا ەگىلە باستادى. سونداي-اق بۇل تىزىمگە مەديتسينالىق-الەۋمەتتىك مەكەمەلەردىڭ قىزمەتكەرلەرى مەن كونتينگەنتى, كۇشتىك قۇرىلىمداردنىڭ قىزمەتكەرلەرى كىرەدى.
«ءبىز اقپان-ناۋرىز ايلارىندا العاشقى بولىپ ەكپە العان ازاماتتاردى رەۆاكتسيناتسيالاۋعا كىرىسەمىز. سونىمەن قاتار, 6 اي بۇرىن QazVac جانە قىتايلىق Vero Cell پرەپاراتىنىڭ دوزاسىن العان ادامدار رەۆاكتسيناتسياعا جاتادى. كومپونەنتتەر اراسىنداعى ارالىقتى ساقتاۋ وتە ماڭىزدى. سونىمەن قاتار, كۆي-عا قارسى ۆاكتسينامەن رەۆاكتسيناتسيا جۇرگىزۋگە بولادى» دەدى قالالىق دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا.
بۇگىنگى تاڭدا قالادا Pfizer پرەپاراتىمەن ۆاكتسيناتسيالاۋ جالعاسىپ جاتىر. Pfizer ۆاكتسيناتسياسى باستالعاننان بەرى ءبىر اپتا ىشىندە ەلوردادا جۇكتى ايەلدەر, 12-18 جاس ارالىعىنداعى بالالار مەن بالا ەمىزەتىن انالار قاتارىنان 3 600-دەن استام قالا تۇرعىنى ەگىلدى.
