«سالاماتتى قازاقستان» سارالانباق
كەشە قر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ رەسمي وكىلى التاي ابيبۋللاەۆ ءداستۇرلى بريفينگتە اعىمداعى اپتادا ورىن الاتىن ساياسي وقيعالار لەگىن جاريا ەتتى.
18 ناۋرىزدا قر پرەمەر-مينيسترى سەرىك احمەتوۆتىڭ ءتوراعالىعىمەن ازاماتتىق اۆياتسيا مەن جاڭا بيۋدجەتتىك ساياسات ءماسەلەلەرىنە قاتىستى وتىرىس وتەدى.
19 ناۋرىزدا س.احمەتوۆتىڭ توراعالىعىمەن ۇكىمەت وتىرىسى ءوتىپ, وندا ەلەكتروندى ۇكىمەتتى دامىتۋ بويىنشا ماسەلەلەر قاراستىرىلادى. وندا قر كولىك جانە كوممۋنيكاتسيا ءمينيسترى اسقار جۇماعاليەۆ, ءبىلىم جانە عىلىم ءمينيسترى باقىتجان جۇماعۇلوۆ, سونداي-اق, قر ىشكى ىستەر ءمينيسترى قالمۇحانبەت قاسىموۆ وزدەرى باسشىلىق ەتەتىن مينيسترلىكتەردىڭ كۇن تارتىبىنە قاتىستى ىستەگەن جۇمىسىن باياندايدى. سونداي-اق, قر دەنساۋلىق ساقتاۋ سالاسىن دامىتۋدىڭ 2011-2015 جىلدارعا ارنالعان «سالاماتتى قازاقستان» مەملەكەتتىك باعدارلاماسىن ىسكە اسىرۋ بارىسىن پىسىقتاۋ جوسپاردا بار. باعدارلامانىڭ ورىندالۋ بارىسى تۋرالى قر دەنساۋلىق ساقتاۋ ءمينيسترى ساليدات قايىربەكوۆا بايانداپ بەرەدى.
ەركەجان ساتىمبەك