مەملەكەت باسشىسى قاسىم-جومارت توقاەۆ پارلامەنت سەناتىنىڭ توراعاسى ماۋلەن اشىمباەۆتى قابىلدادى.
پرەزيدەنتكە جوعارعى پالاتانىڭ بيىلعى زاڭ شىعارۋ قىزمەتىنىڭ نەگىزگى قورىتىندىلارى تۋرالى اقپارات بەرىلدى. سەنات سپيكەرى پرەزيدەنتتىڭ قازاقستان حالقىنا ارناعان جولداۋىندا ايتىلعان ماسەلەلەردى ىسكە اسىرۋدى قامتاسىز ەتۋگە باعىتتالعان زاڭداردىڭ قابىلدانعانىنا توقتالدى. اتاپ ايتقاندا, جاڭا «ەكولوگيالىق كودەكس», «تەحنيكالىق رەتتەۋ تۋرالى» زاڭ, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەت باسشىسىنىڭ «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىنىڭ جەكەلەگەن ەرەجەلەرىن ىسكە اسىرۋ ماسەلەسى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ قابىلدانعان. ماۋلەن اشىمباەۆ اتالعان قۇجاتتاردىڭ بارلىعى ەلىمىزدىڭ الەۋمەتتىك-ەكونوميكالىق دامۋىنا, حالقىمىزدىڭ تۇرمىس ساپاسىن ارتتىرۋعا باعىتتالعانىن اتاپ ءوتتى. قاسىم-جومارت توقاەۆ الداعى ۋاقىتتا ەلىمىزدە ساياسي جاڭعىرتۋ جانە ەكونوميكالىق دامۋ باعدارلامالارىنىڭ جالعاساتىنىن, باسقا سالالار بويىنشا دا اۋقىمدى جۇمىستاردىڭ اتقارىلاتىنىن ايتىپ, سەناتقا اتالعان باعىتتاردى زاڭمەن قامتاماسىز ەتۋدى تاپسىردى.
