بوكس – قازاقتىڭ باعىنا جازىلعان سپورت. الداعى اپتادا الماتىدا باستالاتىن ەرەسەكتەر اراسىنداعى الەم چەمپيوناتى حالىقارالىق بوكس فەدەراتسيالارى قاۋىمداستىعى تاراپىنان بىزدىڭ ەلىمىزگە كورسەتىلىپ وتىرعان زور سەنىمنىڭ كورسەتكىشى. جاقىندا عانا قازاقستان جاسوسپىرىمدەرى الەم بىرىنشىلىگىنەن ۇلكەن جەڭىسپەن ورالدى. دەمەك, ەلىمىزدە بوكستى دامىتۋعا ەرەكشە ماڭىز بەرىلىپ وتىر دەۋگە نەگىز بار.
جاقىندا اياگوز قالاسىندا قازاقستاننىڭ تۇڭعىش سىرتقى ىستەر ءمينيسترى تولەۋتاي سۇلەيمەنوۆتىڭ جۇلدەسى ءۇشىن جاسوسپىرىمدەر اراسىنداعى ءداستۇرلى تۋرنير ءوتتى. رەسەي, وزبەكستان, موڭعوليا, قىرعىزستان جانە قازاقستان بوكسشىلارى قولعاپ تۇيىستىرگەن جارىستا استانا قالاسىنىڭ №3 بجسم سپورتشىلارى جاقسى ناتيجە كورسەتىپ كەلدى. اتاپ ايتقاندا, باپكەر ماۋلەت ءمۇستافيننىڭ شاكىرتتەرى الماس زەينۋللوۆ پەن ساترەددين احمەدوۆ ءداستۇرلى جارىستىڭ جەڭىمپازى اتاندى. 54 كەلى سالماقتا قارسىلاس شاق كەلتىرمەگەن س.احمەدوۆ وسى ءتۋرنيردىڭ ۇزدىك بوكسشىسى بولىپ تانىلدى. سونداي-اق, چەمپيون اتانعان ءجاسوسپىرىم بوكسشىلاردىڭ, سونىمەن قاتار جاقىندا كيەۆتە وتكەن جاسوسپىرىمدەر اراسىنداعى الەم بىرىنشىلىگىنىڭ چەمپيونى راحات مارجىقپاەۆتىڭ باپكەرى ماۋلەت مۇستافين وسى تۋرنيردەگى ۇزدىك جاتتىقتىرۋشى سىيلىعىنا يە بولدى. ال, جارىستىڭ ۇزدىك تورەشىسى بولىپ استانالىق ۇلتتىق جوعارى ساناتتى تورەشى ەربولات اشيموۆ تانىلدى.بەلگىلى ديپلوماتتىڭ جۇلدەسى ءۇشىن وتكەن جارىستا استانالىق جاس بوكسشىلار جاسقانات جۇماعاليەۆ پەن جانبولات اكىمقۇل كۇمىس جۇلدەگەر اتانىپ كەلدى.
عالىم قوجابەكوۆ
