استانا قالاسى اكىمدىگىنىڭ قولداۋىمەن قالادا شورت-ترەكتەن «ASTANA-OPEN» اشىق قالا چەمپيوناتى باستالىپ, وعان ەلىمىزدىڭ بەس وڭىرىنەن كەلگەن سپورتشىلار قاتىسۋدا.
«الاۋ» مۇز سارايىندا وتكىزىلىپ جاتقان چەمپيوناتتى قالالىق دەنە شىنىقتىرۋ جانە سپورت باسقارماسى ۇيىمداستىردى.
– بالالار جىلى اياسىندا وتكىزىلىپ وتىرعان چەمپيوناتقا 2009 جىلى تۋعان جانە ودان ۇلكەن جاستاعى جەتكىنشەكتەر قاتىستى. جارىستىڭ ماقساتى – قىسقى سپورت تۇرلەرىن, ونىڭ ىشىندە شورت-ترەكتى دامىتۋ, سپورتتى ناسيحاتتاۋ. ەلىمىزدىڭ بەس وڭىرىنەن كەلگەن بالالار ەكى كۇن بويى ناعىز ۇزدىكتەردى انىقتادى, – دەدى №2 بالالار مەن جاسوسپىرىمدەردىڭ مامانداندىرىلعان سپورت مەكتەبىنىڭ باسشىسى باۋىرجان ساحارباەۆ.
بۇل جارىسقا ەلىمىزدىڭ كوكشەتاۋ, قوستاناي, قىزىلوردا, سولتۇستىك قازاقستان وبلىسى جانە استانا قالاسىنان 163 قاتىسۋشى تىركەلدى.
سونىمەن قاتار جارىسقا حالىقارالىق دارەجەدەگى سپورت شەبەرى, الەم كۋبوگى مەن الەم بىرىنشىلىكتەرىنىڭ جۇلدەگەرى, جاقىندا عانا شورت-ترەكتەن وتكەن الەم كۋبوگى كەزەڭىندە كۇمىس جۇلدە العان ابزال اجىعاليەۆ قۇرمەتتى قوناق رەتىندە قاتىستى.
جەڭىمپازدار ءار جاس توبىنداعى جانە ءار قاشىقتىق بويىنشا جەكە بىرىنشىلىكتەردە انىقتالادى. بۇل چەمپيوناتتا الداعى قىسقى ماۋسىمعا ۇزدىك سپورتشىلاردان تۇراتىن استانا قالاسىنىڭ قۇراما كومانداسى جاساقتالدى.
