ستارتاپەرلەر دۋبايعا بارادى

«استانا» حالىقارالىق قارجى ورتالىعىنىڭ (احقج) فينتەح-حابى Startupbootcamp-پەن بىرلەسىپ ورتالىق ازيادا تۇڭعىش رەت نۇر-سۇلتان قالاسىندا فينتەح-ستارتاپتاردىڭ وڭىرلىك سايىسىن وتكىزدى. بۇل سايىستا ىرىكتەلىپ الىنعان جوبالار دۋبايداعى فينتەح-اكسەلەراتورعا قاتىسادى. ەلوردامىزداعى Startupbootcamp سايىسىندا قازاقستان, وزبەكستان, قىرعىزستان, تاجىكستان جانە تۇركىمەنستان ستارتاپشىلارى باق سىناعان.سايىس قورىتىندىسىندا بيىل جەلتوقسان ايىندا دۋبايداعى فينتەح-اكسەلەراتورداعى اقتىق سىنعا ورتالىق ازيا ەلدەرىنىڭ اتىنان قاتىساتىن 4 ستارتاپ-جوبا ىرىكتەلىپ الىندى. ولاردىڭ ەكەۋى – قازاقستاندىق, بىرەۋى – قىرعىز ەلىنىڭ, بىرەۋى – قازاقستان-سينگاپۋر بىرلەس­كەن جوباسى: Multis (تاۋارلارعا ونلاين تاسىلمەن نەسيە الاتىن الاڭ), Namba Pay (قىرعىزستان – وزىنە تولەم تولەۋدىڭ ءارتۇرلى تاسىلدەرىن بىرىكتىرگەن موبيلدىك قوسىمشا), Lending Star (سينگاپۋر-قازاقستان – شوب قارجى تارتۋ پلاتفورماسى), Tayyab (يسلام بانكينگى قاعيداتتارى نەگىزىندە جۇمىس ىستەيتىن نەو­-بانك).
Startupbootcamp دۋبايداعى حالىقارالىق قارجى ورتالىعىمەن (DIFC) جانە Vica, Mashreq, HSBC-مەن بىرلەسە وتىرىپ, فينتەح-اكسەلەراتورداعى 3 ايلىق باعدارلاماعا 10 ستارتاپتى تاڭداپ الادى. ول ستارتاپتارعا مىناداي ارتىقشىلىقتار بەرىلەدى: ەڭ ۇزدىك مەنتورلار مەن تالىمگەرلەر, جاھاندىق ينۆەستورلار جەلىسىنە جانە Startupbootcamp-ءتىڭ سەرىكتەستەرىنە قولجەتىمدىلىك, دۋبايداعى حالىق­ارالىق قارجى ورتالىعىنىڭ (DIFC) كەڭسەسىندەگى كوۆوركينگ, 3 ايلىق ءجۇرىپ-تۇرۋعا جۇمسالاتىن شىعىندارعا تولەنەتىن 15 000 ەۋرو, 500 000 ەۋرودان اسا سوماعا ارىپتەستىك ۇسىنىستار جاسالادى.