كەشە استانادا ستراتەگيالىق باستامالار فورۋمى ءوتتى. ءىس-شارا بارىسىندا ەلىمىزدىڭ دامۋ ماسەلەلەرى قوزعالىپ, شەشىم جولدارى تالقىلاندى.
وعان مەملەكەتتىك قىزمەت سالاسىنداعى استانالىق حاب باسقارۋشى كوميتەتىنىڭ توراعاسى اليحان بايمەنوۆ, بەلگىلى ەكونوميست وراز جاندوسوۆ, قازاقستان رەسپۋبليكاسى تۇڭعىش پرەزيدەنتى قورى جانىنداعى اەسي ساراپشىسى سەرگەي دومينين, «سەيمار» كومپانياسىنىڭ نەگىزىن قالاۋشى مارعۇلان سەيسەمباەۆ, سول سياقتى ەكونوميكا سالاسىنىڭ وزگە دە ساراپشىلارى قاتىستى.
ءوز سوزىندە اليحان بايمەنوۆ نورۆەگيا ەلىندەگى جەمقورلىق دەڭگەيىنىڭ تومەندىگىن مىسالعا الا وتىرىپ, قازاقستاننىڭ بۇل باعىتتا اقىرىنداپ دامىپ كەلە جاتقانىن ايتتى. سول سياقتى ەلىمىزدىڭ بولاشاعى ءبىلىمدى جاستاردىڭ قولىندا ەكەنىن تىلگە تيەك ەتىپ ءوتتى.ستراتەگيا
ال مارعۇلان سەيسەمباەۆ ەلىمىزدە ءبىلىمدى جاستارعا جاعداي جاسالماۋى سالدارىنان كوبى شەتەل اسىپ كەتىپ جاتقانىن قوزعادى. «اۋىر دا بولسا ايتايىن, جاستارعا كوپ اقشا جۇمسالعانمەن, شەتەلگە مامان دايىنداپ جۇرگەنىمىز جاسىرىن ەمەس» دەپ كوپشىلىككە وي سالدى.
سەسسيانىڭ ەكىنشى بولىگى «سەنىمدى قالپىنا كەلتىرۋ ءۇشىن قانداي رەفورمالار قاجەت» دەگەن تاقىرىپتا ءوتىپ, كوپشىلىكتىڭ ويى ورتاعا سالىندى.
