كەشە قر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ ءداستۇرلى بريفينگى ءوتتى. ورتالىقتىڭ رەسمي وكىلى التاي ابيبۋللاەۆ وسى اپتادا وتەتىن ماڭىزدى وقيعالار لەگىمەن تانىس-تىردى. سونىڭ ماڭىزدىسى – بۇگىن مەملەكەت باسشىسى نۇرسۇلتان نازارباەۆتىڭ قاتىسۋىمەن وتەتىن جالپىۇلتتىق تەلەكوپىر.
– قازىرگى تاڭدا قازاقستاننىڭ ۇلتتىق مۇددەسىنىڭ وزەگى يندۋستريالدىق-يننوۆاتسيالىق دامۋدىڭ باستى باعىتى شيكىزاتقا تاۋەلدىلىكتەن ارىلىپ, ۇدەمەلى يندۋستريالدىق-يننوۆاتسيالىق دامۋ نەگىزىندە ۇلتتىق ءوندىرىستى دامىتۋ, وندىرىستىك شيكىزات ارقىلى جاسامپاز ەكونوميكاعا ءوتۋ ەكەنى بەلگىلى. ۇلتتىق ەكونوميكانى يندۋستريالاندىرۋعا باعىتتالعان بارلىق شارالاردىڭ ماقساتى – ۇلتتىڭ ءال-اۋقاتتى دامۋىنىڭ ۇدەرىسى مەن ءاربىر قازاقستاندىقتىڭ ءومىر ءسۇرۋ ساپاسىن ارتتىرۋ. وسى ورايدا 25 جەلتوقساندا استانادا قازاقستان پرەزيدەنتى نۇرسۇلتان نازارباەۆتىڭ قاتىسۋىمەن وتەتىن كەزەكتى جالپىۇلتتىق تەلەكوپىردە يندۋستريالاندىرۋ كارتاسى جوبالارى ىسكە قوسىلادى, – دەدى ا.ابيبۋللاەۆ.
وندا ءۇيد باعدارلاماسىنىڭ جۇزەگە اسىرىلۋ بارىسى تالقىلانىپ, الدىن الا قورىتىندىلارى شىعارىلادى. كەلەر كۇننىڭ مەجەسى بەلگىلەنەدى.
سونداي-اق, شارا بارىسىندا «التىن ساپا», «پارىز» جانە «قازاقستاننىڭ ۇزدىك تاۋارى» اتتى ءداستۇرلى بايقاۋلاردىڭ لاۋرەاتتارىن ماراپاتتاۋ ءراسىمى جوسپارلانۋدا.
اينۇر سانابەك
