نۇر-سۇلتان قالاسىنىڭ اكىمى التاي كولگىنوۆ تاۋەلسىزدىك داڭعىلىنداعى كوپىر 2023 جىلى اشىلاتىنىن ايتتى.
«ەلوردا ودان ءارى دامىپ, ءوسىپ-وركەندەپ كەلەدى. قالادا جاڭا شاعىن اۋداندار پايدا بولىپ, تۇرعىندار مەن اۆتوكولىكتەردىڭ سانى وسۋدە. وسىعان وراي جولداردا كەپتەلىس كوبەيىپ كەلەدى. جولدارداعى وتكىزۋ قابىلەتىن جاقسارتۋ ءۇشىن كولىكتەرگە ارنالعان كوپىرلەر مەن كولىك جولايرىقتارىن سالۋ, اۆتوبۋس جولاقتارىن قوسىمشا ىسكە قوسۋ جانە تاعى باسقا باعىتتار بويىنشا جۇمىس ءجۇرىپ جاتىر. تاۋەلسىزدىك داڭعىلىنداعى ەسىل وزەنى ارقىلى وتەتىن كوپىردىڭ قۇرىلىسى باستالدى. سوت پروتسەسى قۇرىلىس جۇمىسى مەن مەرزىمىنە ايرىقشا اسەر ەتتى. قازىر پروبلەمانىڭ ءبارى شەشىلىپ, كوپىر قۇرىلىسى باستالدى. بۇل كوپىر تاۋەلسىزدىك داڭعىلى, جاڭا تەمىرجول ۆوكزالى اۋدانى, ازىرەت سۇلتان مەشىتىنىڭ اۋدانى, قوشقارباەۆ داڭعىلى, ناجىمەدەنوۆ كوشەسى, بايتۇرسىنوۆ كوشەسى, قورداي كوشەسى, ايناكول كوشەسى, مومىشۇلى داڭعىلىنىڭ سول جاعالاۋىمەن قوسىمشا بايلانىستى قامتاماسىز ەتۋگە مۇمكىندىك بەرەدى. تاۋەلسىزدىك داڭعىلىنداعى كوپىر پايدالانۋعا بەرىلگەننەن كەيىن ماڭگىلىك ەل داڭعىلىنداعى جۇكتەمەنىڭ 20 پايىزعا دەيىن تومەندەۋىن بولجاپ وتىرمىز. جوسپار بويىنشا اتالعان كوپىردىڭ قۇرىلىسى 2023 جىلى اياقتالادى» دەپ جازدى قالا باسشىسى ءوزىنىڭ الەۋمەتتىك جەلىدەگى پاراقشاسىندا.
سونىمەن قاتار, ۇلى دالا داڭعىلىندا دا كوپىر سالىنۋدا. وڭ جانە سول جاعالاۋدى جالعايتىن كوپىر ماڭگىلىك ەل داڭعىلىنىڭ, ج.ناجىمەدەنوۆ, ا.بايتۇرسىنوۆ, ر.قوشقارباەۆ كوشەلەرىنىڭ, Nova city اۋدانىنىڭ, «مىڭجىلدىق» اللەياسىنىڭ جۇكتەمەسىن ازايتادى. جاڭا «نۇرلى جول» ۆوكزالىنىڭ, تەلمان ەلدى مەكەنىنىڭ, «مەترو» گيپەرماركەتى اۋدانىنىڭ, پرومىشلەننىي ەلدى مەكەنىنىڭ, جۇماباەۆ داڭعىلىنىڭ, جۇرگەنوۆ كوشەسىنىڭ جانە تاعى باسقالارىنىڭ قولجەتىمدىلىگىن ارتتىرادى.
«مەملەكەت باسشىسى ەلوردادا كوپىرلەر مەن كولىك جولايرىقتارىن سالۋدىڭ ماڭىزدىلىعىن اتاپ ءوتتى. بيىل جانە بىلتىر 300-گە جۋىق كوشە سالىنىپ, جوندەلدى. ولاردىڭ جارتىسىنان كوبى ەلدى مەكەندەردە ورنالاسقان. سونىمەن قاتار, جاڭا باعىتتار, اۆتوبۋس جەلىلەرى ىسكە قوسىلدى, اۆتوبۋس پاركىن جاڭارتىپ جاتىرمىز. مۇنىڭ ءبارى قالا تۇرعىندارىنا قالا ىشىندە ىڭعايلى قاتىناۋعا, جول ۋاقىتىن قىسقارتۋعا جانە قالانى ءموبيلدى ەتۋگە مۇمكىندىك بەرەدى» دەدى قالا اكىمى.
