كەشە قازاقستان قور بيرجاسىنىڭ تاڭەرتەڭگى سەسسياسىندا دوللاردىڭ ورتاشا باعامى 338,17 تەڭگەنى قۇرادى. 15 ماۋسىمداعى جاعدايمەن سالىستىرساق, ۇلتتىق ۆاليۋتامىز 2,23 تەڭگەگە ارزاندادى.
ۇلتتىق بانك سوڭعى كەزدەرى تەڭگە باعامىنىڭ بۇلاي اۋىتقۋىنا جازعى ماۋسىمداعى شەتەلدىك ۆاليۋتاعا دەگەن سۇرانىستىڭ ارتۋى سەبەپ بولىپ وتىرعانىمەن ءتۇسىندىردى. «تاعى ءبىر فاكتور – اقش فەدەرالدىق ساقتىق قور جۇيەسى مولشەرلەمەسىنىڭ ءوسۋى بولىپ تابىلادى. سونىڭ ناتيجەسىندە الەمدىك نارىقتاردا دوللار نىعايىپ, دامۋشى نارىقتاردان ەلىمىزگە كاپيتالدىڭ اعىنى كۇشەيدى» دەپ حابارلادى ۇلتتىق بانكتەگىلەر. قازاقستان قور بيرجاسى تاراتقان مالىمەتكە سۇيەنسەك, ساۋداداعى دول لاردىڭ باعامى 338,56 تەڭگەنى قۇراعان. ال استانا مەن الماتى قالالارىنداعى اقشا ايىرباستاۋ نۇكتەلەرىندە امەريكا ۆاليۋتاسى 340 تەڭگەگە ساتىلۋدا. ايتپاقشى, وسىدان بىرەر كۇن بۇرىن ۇلتتىق بانكتىڭ توراعاسى دانيار اقىشەۆ 13 ماۋسىمدا دوللارعا قاتىستى تەڭگەنىڭ باعامى جارتىجىلدىق ەڭ تومەنگى دەڭگەيگە جەتكەنىنە تۇسىندىرمە بەردى. ول ءۇش جىل بۇرىن ەلىمىزدە اقشا-نەسيە ساياساتىنىڭ ءتارتىبى وزگەرىپ, تەڭگە ەركىن اينالىمعا تۇسكەنىن ەسكە سالدى. سونىمەن قاتار, قۇزىرلى مەكەمە «تەڭگە قۇلدىرايدى جانە ينفلياتسيا كۇرت وسەدى» دەگەن الەۋمەتتىك جە لىدەگى قاۋەسەتتى جوققا شىعاردى. وسىعان وراي, جالعان اقپاراتتى جۇرتقا تاراتۋشىلاردى انىقتاۋ ءۇشىن قۇقىق قورعاۋ ورگاندارىنا شاعىم تۇسىرىلگەن. «ينفلياتسيا مامىر ايىندا 6,0 پايىزدى قۇرادى. الەمدىك نارىقتا مۇنايدىڭ 1 باررەلىنىڭ 70 دوللارعا جەتۋى تەڭگەنىڭ باعامىنا جاعىمدى اسەر ەتتى. ەلىمىزدىڭ تولەم تەڭگەرمەسى جاقسارۋدا» دەپ ءتۇسىندىردى ۇلتتىق بانك.
تولەن تىلەۋباي
