ءتيىمدى ارىپتەستىكتى تالقىلادى

استانا اكىمىنىڭ ورىنباسارى ەرمەك امانشاەۆ پەن چەندۋ قالاسىنىڭ قكپ قالالىق كوميتەتىنىڭ حاتشىسى فان ءجۋيپيننىڭ كەزدەسۋى بولىپ ءوتتى.

چەندۋ – قىتايداعى 9 ءىرى قالانىڭ ءبىرى, ونىڭ حالقى 20 ملن ادام. ول ءوزىنىڭ تاريحىمەن, مادەنيەتىمەن, كوپتەگەن كورمە, جارمەڭكەسىمەن اتى شىققان. سول سەبەپتى دە جوعارى مارتەبەلى مەيمان استانانىڭ
«ەكسپو-2017» كورمەسىن وتكىزۋ تاجىريبەسى مەن ەلوردانىڭ قۇرىلىس سالاسىنداعى تاجىريبەسىمەن تانىسقىسى كەلەتىنىن ايتتى.
ال قالا اكىمىنىڭ ورىنباسارى ارىپتەستىك ءۇشىن پەرسپەكتيۆالى باعىت رەتىندە تۋريزم, مادەنيەت, ءبىلىم ونىڭ ىشىندە كادر الماسۋدى اتادى.
«استانا قالاسى اكىمدىگى تۋريستىك سالانى دامىتۋ ءۇشىن ۇلكەن باعدارلاما دايىنداپ جاتىر. استانانىڭ بارلىق جوباسى «ءبىر بەلدەۋ – ءبىر جول»
جوباسىمەن تىعىز بايلانىستا. ءبىز ءۇشىن الەمنىڭ باسقا مەگاپوليس­تە­رىمەن دوستىق قارىم-قاتىناستا بولۋدىڭ ماڭىزى زور, ونىڭ ىشىندە قحر قالالارى دا بار. سىزدەردىڭ ساپارىڭىز بارىسىندا ءبىز دە يىق تىرەسىپ ارى قاراي سىزدەرمەن بىرگە جۇمىس جاسايمىز دەگەن ۇمىتتەمىز» دەپ ءسوزىن تۇيىندەدى ەلوردا اكىمىنىڭ ورىنباسارى.