جىل سوڭىنا دەيىن ەلوردادا ۇيالى بايلانىستىڭ 4G LTE ستاندارتى ىسكە قوسىلادى. بۇل تۋرالى كەشە قر كولىك جانە كوممۋنيكاتسيا مينيسترى اسقار جۇماعاليەۆ قر پرەزيدەنتى جانىنداعى ورتالىق كوممۋنيكاتسيالار قىزمەتى ۇيىمداستىرعان بريفينگتە ءمالىم ەتتى
– بۇگىندە تەلەكوممۋنيكاتسيا بارىنشا قارقىندى دامىپ كەلەدى. 2015 جىلدىڭ باسىنا قاراي ۇيالى بايلانىستىڭ ءۇشىنشى بۋىنى 3G جەلىسىمەن تۇرعىندار سانى 10 مىڭ ادامنان اساتىن ەلدى مەكەندەر مەن بارلىق اۋدان ورتالىقتارىنىڭ اتالعان تەحنولوگيامەن قامتاماسىز ەتىلۋى جوسپارلانىپ وتىر, – دەدى مينيستر ا. جۇماعاليەۆ.
ونىڭ ايتۋىنشا, اعىمداعى جىلدىڭ سوڭىنا دەيىن استانا مەن الماتى قالالارىندا ۇيالى بايلانىستىڭ 4G LTE ستاندارتىن ىسكە قوسۋ كۇتىلۋدە. اتالعان جوبانى قاناتقاقتى رەجيمدە «قازاقتەلەكوم» اق جۇزەگە اسىرۋدى باستادى. ۇيالى بايلانىستىڭ تورتىنشى بۋىنى LTE ستاندارتىنىڭ جوباسىن ۇيىمداستىرۋ جانە تەستىلەۋ ۇشىن استانا جانە الماتى قالالارىنىڭ اۋماعىندا بازالىق ستانسالارى ورناتىلعان.
حاميت ەسامان
