استانا قالاسى ىشكى ساياسات باسقارماسىنىڭ قولداۋىمەن «جالىندى جاستار – ەلدىڭ كەمەل كەلەشەگى» اتتى فورۋم ءوتتى. ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى مەن «مەيىرىم-دەمەۋ» ورتالىعى ۇيىتقى بولعان شاراعا عالىمدار, ورالماندار, باق جانە قوعامدىق ۇيىم مەن مەملەكەتتىك ورگان وكىلدەرى قاتىستى.
فورۋمدا حالىقارالىق ىنتىماقتاستىق دەپارتامەنتىنىڭ ديرەكتورى ا.شيلىبەكوۆا شەتەل قازاق جاستارىنىڭ زامانعا ساي ساپالى ءبىلىم الۋ ماسەلەسىن كوتەردى. سىرتتان كەلگەن قانداستاردىڭ قازاقستانعا قوسقان ۇلەسى تۋرالى فيلولوگيا عىلىمدارىنىڭ دوكتورى, پروفەسسور ق.سارتقوجاۇلى بايانداپ بەردى. ەۋرازيا عىلىمي زەرتتەۋ ورتالىعىنىڭ ديرەكتورى ز.قابىلدينوۆ تاريحي تۇلعالار تۋرالى كوپشىلىكتى حاباردار ەتسە, كوشى-قون سالاسىنداعى وزەكتى ماسەلەلەردى د.ءماسىمحانۇلى تالدادى. ال, «مەيىرىم-دەمەۋ» ورتالىعىنىڭ ءتورايىمى جاناگۇل
سەيىتقاجى ورالمانداردى الەۋمەتتىك بەيىمدەۋ جانە قولداۋ قىزمەتىن ۇيىمداستىرۋدى قولعا الۋ كەرەكتىگىن العا تارتتى.
سونداي-اق, ءىس-شارا اياسىندا ش.ابدىعاليقىزىنىڭ «قازاق ءتىلى» كىتابىنىڭ تۇساۋى كەسىلىپ, سوڭىندا بەلسەندىلىك تانىتقان ستۋدەنتتەر ارنايى سىيلىقتارمەن ماراپاتتالدى.
حاميت ەسامان
