كەيىنگى كەزدە استانا قالاسى №1 بالالار مۋزىكا مەكتەبىنىڭ وقۋشىلارى حالىقارالىق دەڭگەيدەگى بايقاۋلاردان ءجيى جەڭىمپاز اتانىپ ءجۇر. سونىڭ دالەلى تۇركيا ەلىندە وتكىزىلگەن «ART OLYMPIA» بالالار جانە جاسوسپىرىمدەر شىعارماشىلىعى اراسىنداعى حالىقارالىق بايقاۋعا قازاقتىڭ نامىسىن قورعاپ بارعان اتالمىش مەكتەپتىڭ بالعىندارى ۇلكەن جەڭىسپەن ورالدى.
بايقاۋعا 22 وقۋشى قاتىسىپ, بايراقتى باسەكەدە الدارىنا جان سالماعان. «جاس ونەرپازدار ءوز ونەرلەرىمەن تالايدى تامساندىردى»,– دەيدى ونەرپازداردىڭ كوركەمدىك جەتەكشىلەرى ءۇرلاي مىرزاقۇلوۆا, ايگۇل ساعاتوۆا, زاۋرە سەيىتوۆا.
ناتيجەسىندە «بالاۋسا» فولكلورلىق ءانسامبلى, «Dolce» سكريپكاشىلار ءانسامبلى جانە ءداستۇرلى ءان ايتۋ, دومبىرا, قوبىز, سكريپكا, فورتەپيانو نوميناتسيالارى بويىنشا قاتىسىپ قايتقان ونەرپازدارىمىز ەلىمىزدىڭ اتىن ۇلكەن ساحنادا پاش ەتتى. بارلىق وقۋشىلار مەدال, كۋبوك جانە قوسىمشا سىيلىقتارمەن ماراپاتتالدى.
فەستيۆال-بايقاۋعا قاتىسۋ جاس مۋزىكانتتاردىڭ ءوز تالانتتارى مەن جەتىستىكتەرىن ايقىنداۋعا, باسقا دا قاتىسۋشىلارمەن تاجىريبە الماسۋعا مۇمكىندىك بەردى. سونداي-اق, تۇركيانىڭ بەلگىلى حالىقارالىق بالالار مەن جاستارعا ارنالعان «بانانا كلاب» دەمالىس ورتالىعىندا دەمالۋعا جولداما بەردى. بارلىق قاتىسۋشىلار ۇلكەن اسەرمەن, قۋانىشتى كوڭىل كۇيمەن, شابىتپەن ورالدى. بايراقتى باسەكەگە ۇكىلەپ قوسقان ونەرپازدارىمىزدىڭ الداعى ۋاقىتتا ءالى تالاي بيىكتەردەن كورىنەنتىندەرىنە سەنىمدىمىز.
وسپان سۇلەيمەنۇلى,
قر ءبىلىم بەرۋ ءىسىنىڭ ۇزدىگى جانە
قۇرمەتتى قىزمەتكەرى
