ستالينگراد شايقاسىنىڭ 70 جىلدىعىنا ارنالعان «استانا – ۆولگوگراد – استانا» اۆتوشەرۋى ءوز مارەسىنە جەتتى.
اۆتوشەرۋگە قاتىسقان ينتەرناتسيوناليست-جاۋىنگەرلەر توبى ەلورداعا كەلىپ, ستالينگراد شايقاسى بولعان جەردىڭ كاپسۋلاسىن «اتامەكەن» مۇراجايىنا تاپسىردى.
«نۇر وتان» حدپ استانا قالالىق فيليالى ۇيىمداستىرعان اۆتوشەرۋ دەلەگاتسياسىنىڭ باسشىسى مۇحامەدجان تالاسوۆتىڭ ايتۋىنشا, بۇل كەڭەس وداعى ىدىراعاننان بەرگى ستالينگراد جەرىندە جاتقان ساربازداردىڭ رۋحىنا تاعزىم ەتۋشى العاشقى دەلەگاتسيا بولىپ سانالادى ەكەن.
