پرەزيدەنتتىككە كانديدات مەيرام قاجىكەن ۇگىت-ناسيحات ناۋقانى اياسىندا جەزقازعان مىس بالقىتۋ زاۋىتىنا كەلدى. ۇمىتكەر انود بولىمشەسىنىڭ جۇمىسشىلارىمەن كەزدەسىپ, سايلاۋالدى باعدارلاماسىنىڭ باسىم باعىتتارىنا توقتالدى. سونداي-اق ول قىزمەتكەرلەردىڭ سۇراقتارىنا جاۋاپ بەردى.
مەتاللۋرگتەردىڭ كوپشىلىگى زياندى ءوندىرىس ورنىندا جۇمىس ىستەيتىندىكتەن, ەرتە زەينەتكە شىعۋ ماسەلەسىن كوتەرىپ, «قاۋىپتى كەستە» ۇعىمىن قايتارۋ قاجەتتىگىن اتاپ ءوتتى. كەزدەسۋ سوڭىندا زاۋىت قىزمەتكەرلەرى سايلاۋالدى دودادا ساتتىلىك تىلەپ, كانديداتقا جۇمىسشىلار كاسىپوداقتارىنىڭ بىرلىگىنىڭ بەلگىسى رەتىندە كاسكا تابىس ەتتى.
مەتاللۋرگتەرمەن كەزدەسۋدەن كەيىن مەيرام قاجىكەن «ادال ەڭبەك KZ» جشس-نە باردى. بۇل كومپانيا «قازاقمىس» كورپوراتسياسىنىڭ باستاماسىمەن, كاسىپورىندارىندا ەڭبەك جاراقاتىن العان ادامداردى جۇمىسقا ورنالاستىرۋ ماقساتىندا قۇرىلعان ۇيىم بولىپ تابىلادى. كەزدەسۋ بارىسىندا ۇمىتكەر كومپانيا باسشىلىعىمەن جانە بەلسەندىلەرىمەن تانىستى. مۇندا قىزمەتكەرلەر ەرەكشە قاجەتتىلىكتەرى بار ادامداردى الەۋمەتتىك قورعاۋ ماسەلەسىنە دەن قويدى.
