ءازىمباي عالي,
ساياساتتانۋشى:
ەكى وقيعا ەلەڭ ەتكىزدى
مەنى ەلەڭ ەتكىزگەن اپتانىڭ نەگىزگى وقيعاسىنا توقتالايىن.
ءبىرىنشىسى, رەسەيدەگى ساياسي وقيعالار. تاققا كەلگەن پۋتينگە قارسى حالىقتىڭ نارازىلىق شارالارى ءالى جالعاسىپ جاتىر. «پرەزيدەنت سايلاندى. بولار ءىس بولدى. ەندى ەشكىمنىڭ قولىنان ەشتەڭە كەلمەيدى» دەپ وتىرعاندار قاتەلەسكەن سىڭايلى. ماسكەۋ جۇرتشىلىعىنىڭ توقتار ءتۇرى جوق. دۇردارازدىق جالعاسا بەرەتىن ءتارىزدى. وزدەرىڭىز بىلەتىندەي «وككۋپاي اباي» ياعني, «ابايدى باسىپ ال» ۇرانى توڭىرەگىندە توپتاسقاندار شەرۋى ءالى دە ءوتىپ جاتىر.
بۇعان نە دەۋگە بولادى؟ ورىستىڭ زيالى قاۋىمى ابايدى بىلمەيدى ەكەن. ەندى ءبىلدى. باسىندا «نەپونياتنىي كازاح» دەپ باعالاعان سولشىل ورىستاردىڭ ءوزى مويىندادى.
ودان كەيىنگى وقيعا, وسى اپتادا جاڭاوزەن قالاسىنداعى ۋاقىتشا تەرگەۋ يزولياتورىنىڭ باستىعىنا قاتىستى قىلمىستىق ءىس بويىنشا ۇكىم وقىلدى. ءىستىڭ ءمان-جايىمەن جەتە تانىسقان جوقپىن. بىراق, ءبىر بىلەرىم, وقيعادان وقيعا تۋىنداپ, بۇل ءىس ۇزاققا سوزىلاتىن ءتارىزدى.
