استانانىڭ قالا قۇرىلىسى كەڭەسىندە بايقوڭىر اۋدانىندا سالىناتىن دەنە شىنىقتىرۋ-ساۋىقتىرۋ كەشەنىنىڭ جوباسى تانىستىرىلدى.
بولاشاق كەشەننىڭ قۇرىلىسى «ءوندىرىس» تۇرعىن الابى اۋدانىندا بوي كوتەرەدى. قوعامدىق ورتالىقتىڭ جالپى الاڭى 1451,5 شارشى مەتردى قۇرايدى.
سپورت نىسانى اۋدان تۇرعىندارى ءۇشىن سالاماتتى ءومىر سالتىمەن تۇراقتى اينالىسۋعا سەپتىگىن تيگىزەدى. دەنە شىنىقتىرۋ زالىنىڭ اۋماعى 916,9 شارشى مەتردى الىپ جاتىر. وندا امبەباپ سپورت زالى, جاتتىعۋ زالى, جاتتىعۋشى ايماعى, مەدپۋنكت جانە كىتاپحانا بار.
سونىمەن قاتار, اۋدان اكىمدىگى تۇرعىندارعا ىڭعايلى بولۋى ءۇشىن تۇرعىن ءۇي الابىنىڭ قالا شەتىندەگى ورنىن ەسكەرە وتىرىپ وسى عيماراتتا پوليتسيا جانە حقكو بەكەتتەرىن ورنالاستىرماق.
