قۋات كوزىن ۇنەمدەي وتىرىپ, كوشەگە جارىق بەرۋ تەحنولوگيالارىن پايدالانۋ جوباسىنىڭ باستاماشىلارى استانا قالاسىندا بىردەن ءۇش جارىقتاندىرۋ جۇيەسىن سىناقتان وتكىزگەلى وتىر. ساراپتاماعا قالانىڭ ءۇش كوشەسى – الماتى, №30 جانە سارايشىق كوشەلەرى تۇسەدى.
الماتى كوشەسىنە جارىق ديودتى جارىقتاندىرۋ جۇيەسى ورناتىلدى. مامانداردىڭ الدىن الا بولجامى بويىنشا, بۇل ەلەكتر شىعىنىن 60-70 پايىز تومەندەتۋگە مۇمكىندىك بەرەدى. جوبا مەنەدجەرى ب.ءداۋىتوۆتىڭ ايتۋىنشا, №30 كوشەگە ورناتىلعان توپتاپ بولەك جاعۋ جۇيەسىن ازىرلەۋشىلەر يتاليا, گەرمانيا جانە فرانتسيانىڭ تاجىريبەسىنە سۇيەنىپتى. بۇل جۇيە تاۋلىكتىڭ قاي مەزگىلى بولسا دا, كوشەدەگى جارىق دەڭگەيىن رەتتەۋگە مۇمكىندىك بەرەدى. ال سارايشىق كوشەسىنە ورناتىلعان شامداردى جەكە جاعۋ جۇيەسى ينتەرنەت ارقىلى ءاربىر شامنىڭ جۇمىسى مەن قالىپتى جاعدايىن قاداعالاپ وتىرۋعا جاعداي جاسايدى.
