باس رەداكتورلار كلۋبى استانا قالاسى ىشكى ساياسات باسقارماسى, «نۇر وتان» حدپ قالالىق فيليالى, «كوكبوزات» قوعامدىق بىرلەستىگىمەن بىرلەسىپ, قوعامدىق تىڭداۋ ۇيىمداستىردى. شارا «ازاماتتىق قوعامنىڭ سىبايلاس جەمقورلىقپەن كۇرەستە الار ورنى» تاقىرىبىندا ءوتتى. قوعامدىق تىڭداۋعا مەملەكەتتىك ورگاندار وكىلدەرى, ساياسي پارتيالاردىڭ جەتەكشىلەرى, قالالىق ءماسليحات دەپۋتاتتارى جانە ۇەۇ مۇشەلەرى شاقىرىلدى. باس رەداكتورلار كلۋبى اتىنان بۇل شاراعا كلۋب مۇشەسى, «Turan Time» گازەتىنىڭ باس رەداكتورى ۆيدادي سالاحوۆ قاتىستى.
باسقوسۋ بارىسىندا سىبايلاس جەمقورلىقپەن كۇرەسۋدە ازاماتتىق قوعامنىڭ بەدەلىن ودان ءارى ارتتىرۋ, مەملەكەتتىك ورگاندارعا دەگەن سەنىمدىلىكتى كۇشەيتۋ, سونداي-اق وسى سالاعا قاتىستى زاڭدىلىقتاردى جەتىلدىرۋ ءۇشىن ناقتى دا ايقىن ۇسىنىستار ەنگىزۋ قاجەتتىگى جان-جاقتى ءسوز بولدى.
