جاقىندا استانا قالاسىنىڭ اكىمدىگى اقمولا وبلىسىنىڭ 23 ءىرى ءوندىرۋشى كاسىپورىندارىمەن ەلوردانى ازىق-تۇلىك تاۋارلارىمەن قامتاماسىز ەتۋ جانە باعانى نەگىزسىز كوتەرۋگە جول بەرمەۋ جونىندەگى مەموراندۋم جاساستى. جالپى, سوڭعى ءۇش جىلدا استاناعا اۋىل شارۋاشىلىق ونىمدەرىن جەتكىزۋ كولەمى ءۇش ەسەگە ۇلعايدى.

ەلوردادا ءار بەسىنشى ءاۆتوموبيلدى نازىك جاندىلار تىزگىندەيدى ەكەن. ءتىپتى, ەر ادامدار جۇرگىزەتىن كولىك سانالاتىن «اۆتوبۋس», «گازەل», «دجيپ» تاعى باسقا تەمىر تۇلپارلاردىڭ رۋلىندە دە ايەلدەر وتىرعانىن ءجيى كورۋگە بولادى. استانا قالاسىنىڭ جول-پاترۋلدىك پوليتسياسى قوزعالىس ءتارتىبىن بۇزعانى ءۇشىن توقتاتىلاتىن 30 جۇرگىزۋشىنىڭ تەك بىرەۋى عانا ايەل بولاتىندىعىن ايتادى. «بۇدان ءبىز ارۋلار كوبىنە جول قوزعالىسى ەرەجەسىن قاتاڭ ساقتاپ, وتە ۇقىپتى جۇرەتىندىگىن اڭعارامىز» دەيدى جول ينسپەكتورلارى.