ەلباسى نۇرسۇلتان نازارباەۆتىڭ باستاماسىمەن قولعا الىنعان «جاسىل ەل» باعدارلاماسى 2005 جىلدان بەرى جۇزەگە اسىرىلىپ كەلەدى. استانادا جىل وتكەن سايىن جالپىۇلتتىق باستاماعا ءۇن قوسىپ, قولداۋ ءبىلدىرۋشى ستۋدەنتتەردىڭ قاتارى ارتىپ كەلەدى. 2008 جىلدان بەرى وسى جوبا اياسىندا 44 ملن. اعاش وتىرعىزىلىپ, شاراعا 200 مىڭنان اسا جاس اتسالىسقان. ولاردىڭ كومەگىمەن 111 مىڭ گەكتار اۋماقتى كوگالداندىرىلدى.
بيىلدا وسى باعدارلاما بويىنشا جۇمىسقا قابىلداۋ باستالىپ كەتتى.
استانا قالاسى جاستار ساياساتى ماسەلەلەرى باسقارماسىنىڭ باسشىسى تالعات راحمانبەردىنىڭ ايتۋىنشا, بيىل ەڭبەك جاساقتارىنا ەكى جارىم مىڭ ءجاننات جاستى تارتۋ كوزدەلىپ وتىر. قولىنا كەتپەن, كۇرەك ۇستاپ, تۋعان ولكەمدى جەلەگى مايىسقان جەرگە اينالدىرامىن دەپ نيەت ەتكەن جاستارعا 45 مىڭنان 150 مىڭ تەڭگەگە دەيىن جالاقى تولەنەتىن بولادى. بۇگىندە استانادا 16-29 جاس ارالىعىنداعى جۇمىسسىز جاستاردى «جاسىل ەل» ستۋدەنتتەر مەن جاستاردىڭ قۇرىلىس وتريادتارىنىڭ شتابىنا جۇمىسقا قابىلداۋ جۇرگىزىلىپ جاتىر. جۇمىس كەستەسى – اپتاسىنا بەس كۇن, ساع. 9.00-دەن 17.00-گە دەيىن. انىقتاما تەلەفوندارى: 56-43-81, 87029307790
