استانا قالاسى اكىمدىگىنىڭ «بالالار مەن جاسوسپىرىمدەر ءتۋريزمى جانە ولكەتانۋ ورتالىعى» مەملەكەتتىك مەكەمەسىندە جاۋىنگەر-ينتەرناتسيوناليست قازبەك ابدراحمانوۆ ەسىمىن ەسكە تۇسىرۋگە ارنالعان ءحVىى فۋتبول ءتۋرنيرى ءوتتى.
بالالار ۇيلەرىنىڭ تاربيەلەنۋشىلەرى جانە اۋلالىق كلۋبتار اراسىنداعى جارىسقا استانا قالاسىنىڭ مادەنيەت جانە سپورت باسقارماسى, ءبىلىم باسقارماسى قولداۋ كورسەتتى. جارىستىڭ نەگىزگى ۇيىمداستىرۋشىسى استانا قالاسىنىڭ «اۋعانستان سوعىسى مۇگەدەكتەرى مەن ارداگەرلەرى وداعى» قوعامدىق بىرلەستىگى بۇل جولعى جارىسقا سەگىز كوماندانى شاقىردى. جارىس اياسىندا «ارمان» لاگەرىندە دەمالىپ جاتقان وقۋشىلار مەن اۋعانستان سوعىسى ارداگەرلەرى كەزدەسىپ, «ەرلىك ساباعى» ۇيىمداستىرىلدى. كۇنى بويى جاسىل الاڭدا وتكەن دوپ دوداسىنىڭ قورىتىندىسىندا بالالار اراسىندا «بارىس» كومانداسى ءبىرىنشى ورىندى جەڭىپ السا, ەكىنشى ورىنعا «ەۆەرەست» اۋلا كلۋبى كومانداسى يە بولدى. ۇزدىك ۇشتىكتى «تيگرى» كومانداسى تۇيىندەدى. ال جاسوسپىرىمدەر اراسىندا «بوروۆيچوك» كومانداسى توپ جاردى. كۇمىس جۇلدەنى «كۇلتوبە» كومانداسى, ال قولانى «ارمان» كومانداسى قاناعات ەتتى.
جەڭىمپازدار مەن جۇلدەگەرلەرگە كۋبوك, مەدالدار جانە باعالى سىيلىقتار تابىس ەتىلدى. جارىس سوڭىندا «اۋعانستان سوعىسى مۇگەدەكتەرى مەن ارداگەرلەرى وداعى» ۇيىمىنىڭ باسشىسى سەرىك كەنجەبەكوۆ بارلىق قاتىسۋشىلاردى استانا كۇنىمەن قۇتتىقتادى. ال اكەسىنىڭ قۇرمەتىنە وتكىزىلگەن تۋرنيرگە قولداۋ بىلدىرگەن مەكەمەلەرگە دياس قازبەكۇلى وتباسى اتىنان ريزاشىلىعىن ءبىلدىرىپ, ءار كومانداعا سىيلىق تاراتتى.
بەكساتتار ساتتار
