سپورتسۇيەر قاۋىم وتكەن سەنبى كۇنى «بارىس ارەنانى» بەتكە الدى. شارشى الاڭدا كاسىپقوي بوكستىڭ تابالدىرىعىن ەندى عانا اتتاپ جۇرگەن قازاقستاندىق بىرقاتار بىلعارى قولعاپ شەبەرى قارسىلاستارىن ويسىراتا ۇتتى.
اتوي سالعان جانكۇيەرلەر بايراقتى باسەكەنىڭ باستى جەكپە-جەگى ءبىرىنشى اۋىر سالماقتاعى قازاقستاندىق بوكسشى بەيبىت شۇمەنوۆ پەن تۇركيالىق حيزني التۋنكايانىڭ رينگىن تاعاتسىزدانا كۇتتى. بىراق ءبىرىنشى راۋندتا-اق قارسىلاسىن نوكداۋنعا تۇسىرگەن بەيبىت شۇمەنوۆ ءوزىنىڭ باسىم ەكەنىن كورسەتتى. توعىزىنشى راۋندتا بىرنەشە قاتتى سوققى العان التۋنكايا تاعى ءبىر مارتە نوكداۋنعا ءتۇسىپ, ونىنشى راۋندتا رينگكە شىعۋدان باس تارتتى. وسىلايشا, قازاقستاندىق بوكسشى تەحنيكالىق نوكاۋتپەن جەڭىسكە جەتىپ, WBA Reguar تۇجىرىمى بويىنشا الەم چەمپيونى اتاعىن قايتارىپ الدى.
