نۇر-سۇلتان قالالىق جەدەل جاردەم قىزمەتى بارلىق قاجەتتى قۇرالدارمەن جابدىقتالعان 17 جاڭا رەانيموبيلمەن تولىقتى. ەندى دارىگەرلەر جەدەل جاردەم ىشىندە ناۋقاستى اۋرۋحاناعا جەتكىزگەنگە دەيىن ەش الاڭسىز قارقىندى تەراپيا جۇرگىزە الادى. ەلوردا اكىمىنىڭ ورىنباسارى باقتيار ماكەن قجمجس قىزمەتكەرلەرىن كەلە جاتقان جاڭا جىلمەن قۇتتىقتاپ, جاڭا كولىكتەردىڭ كىلتىن تابىستادى.
«مەملەكەت باسشىسىنىڭ تاپسىرماسى بويىنشا حالىققا ساپالى جانە ءتيىمدى قىزمەت كورسەتۋ ءۇشىن جەدەل جاردەم كولىكتەرىن جاڭارتۋ جۇمىستارى جۇرگىزىلدى. ءبىز بۇل مىندەتتى ورىندادىق. وتكەن جىلى جەرگىلىكتى بيۋدجەتتەن قارجىلاندىرۋ ەسەبىنەن 52 اۆتوكولىك, بيىل تاعى 35 تەحنيكا ساتىپ الىندى. «103» اۆتوپاركى 100% جاڭارتىلدى دەپ ايتا الامىز. بارشاڭىزدى جاڭا جىلمەن قۇتتىقتايمىن! مىقتى دەنساۋلىق تىلەيمىن, ويتكەنى بيىل ءبىز دەنساۋلىق ادامنىڭ باستى بايلىعى ەكەنىن سەزىندىك. سىزدەردىڭ كۇش-جىگەرلەرىڭىز, تاۋلىك بويعى جۇمىستارىڭىزدىڭ ارقاسىندا كوپتەگەن قازاقستاندىقتار مەرەكەنى وتباسىلارىمەن اتاپ وتەدى» دەدى باقتيار ماكەن.
ايتا كەتەيىك, ءبىر جىل ىشىندە جەدەل جاردەم ستانتسياسىنىڭ پاركى 2,5 ەسە ارتقان. وسى كۇزدە جاڭا مامانداندىرىلعان كولىكتەردىڭ كىلتتەرىن قالا اكىمى التاي كولگىنوۆ تاپسىرعان ەدى. قازىرگى تاڭدا نۇر-سۇلتان جەدەل جاردەم قىزمەتىنىڭ بالانسىندا 129 كولىك بار. قجمجس جىلىنا 600 مىڭنان استام قوڭىراۋعا جاۋاپ بەرىپ, قىزمەت كورسەتەدى.
