استانا قالاسى ءىىد كوشى-قون پوليتسيا باسقارماسى ەلىمىزدىڭ ازاماتتارىنا تولقۇجات پەن جەكە باستى كۋالاندى-راتىن قۇجاتتاردى بەرۋدى جەدەلدەتۋ بويىنشا جۇمىستار جۇرگىزۋدە.
الدىمىزدا ۇلكەن ساياسي ناۋقان – قازاقستان رەسپۋبليكاسى پرەزيدەنتىنىڭ سايلاۋى كەلە جاتىر. ەلىمىز ءۇشىن جاۋاپتى ساتكە ءار ازامات بىركىسىدەي قاتىسىپ, ءۇن قوسۋى قاجەت. رەسپۋبليكا ازاماتتارى كونستيتۋتسيالىق قۇقىن دۇرىس پايدالانۋى ءۇشىن ولاردىڭ جەكە باسىن كۋالاندىراتىن قۇجاتى تۇگەل بولۋى شارت. وسىعان بايلانىستى شارۋالاردى قازىر ءتيىستى مەكەمەلەر جىلدامداتىپ جۇزەگە اسىرىپ جاتىر.
الماتى اۋدانىنىڭ ىشكى ىستەر باسقارماسىنىڭ باستىعى, پوليتسيا پولكوۆنيگى مارات تولەباەۆ ءبىر توپ ازاماتقا قۇجاتتاردى ءوز قولىمەن تابىستاپ, ەستەلىك رەتىندە «استانا» كىتابىن سىيعا تارتتى.
استانا قالاسىنىڭ ىشكى ىستەر دەپارتامەنتى كوشى-قون پوليتسيا باسقارماسىنىڭ باستىعى, پوليتسيا پودپولكوۆنيگى گۋلۆيرا دونەنباەۆانىڭ ايتۋىنشا, جەكە كۋالىكتەر زاڭ بويىنشا ءبىر اي ىشىندە دايىندالىپ كەلسە, ەندى سايلاۋعا بايلانىستى بۇل مەرزىم ايتارلىقتاي قىسقارىپ وتىر. بۇل قۇجات ءبىر اپتانىڭ ىشىندە اقىسىز دايىندالىپ, يەسىنە بەرىلەدى. اعىمداعى جىلدىڭ ءساۋىر ايىنان باستاپ 16 جاسقا جەتكەن جانە وسى جاستان اسقان قازاقستاننىڭ 54 ازاماتىنا جەكە كۋالىك راسىمدەلدى.
ازاماتتىقتى انىقتاۋ مەرزىمى دە 7-15 كۇنگە دەيىن قىسقارتىلىپ وتىر. قۇجاتتاردى قابىلداۋ جانە راسىمدەۋ دەمالىس كۇندەرى دە جۇزەگە اسىرىلادى.
قىمبات نۇرعالي
