Sport
جۋكوۆ جازالاندى
«استانا» كومانداسىنىڭ جانە قازاقستان قۇراماسىنىڭ ويىنشىسى گەورگي جۋكوۆ پرەمەر-ليگانىڭ الداعى بولاتىن ءۇش ويىنىنان شەتتەتىلدى.
قازاقستان فۋتبول فەدەراتسياسىنىڭ باقىلاۋ كوميتەتى استانالىق فۋتبولشىنى ۇلتتىق قۇرامانىڭ جاتتىعۋىنا بەلگىلەنگەن ۋاقىتتان كەشىگىپ كەلگەنى ءۇشىن وسىنداي ايىپپەن جازالادى.
جۋكوۆ ەندى پرەمەر-ليگانىڭ الداعى ۋاقىتتا وتەتىن التىنشى, جەتىنشى جانە سەگىزىنشى تۋر ويىندارىنا قاتىسپايدى.
جيىرما جاستاعى ويىنشى ۇلتتىق قۇراماداعى العاشقى ويىنىن رەسەيمەن بولعان جولداستىق كەزدەسۋدە وتكىزدى. رەسمي ويىندارعا ءالى قاتىسقان جوق. ەۋرو – 2016 ىرىكتەۋ ويىنىندا يسلاندياعا قارسى ويىندا قوسالقى قۇرامدا بولدى.
عالىم قوجابەكوۆ