«Saryarqa Jugiru» ونلاين-جارىسىنا بارلىق قازاقستاندىقتار قاتىسا الادى.
ەلوردادا 13 جەلتوقسانعا دەيىن وتەتىن ءبىر اپتالىق «Saryarqa Jugiru» ونلاين-جارىسى باستالدى. بۇگىنگى تاڭدا وعان قاتىسۋعا 120 ادام تىركەلدى. الايدا وتىنىمدەر جارىس كەزىندە دە قابىلدانادى. جارىسقا www.jgr.kz سايتىندا 13 جەلتوقسانعا دەيىن ونلاين تىركەلۋگە بولادى. جارىسقا سپورتقا قارسى كورسەتىلىمدەرى جوق ادامداردىڭ بارلىعى قاتىسا الادى.
«Saryarqa Jugiru» جارىسىنىڭ قاشىقتىعى – 5 شاقىرىم. قاتىسۋشىلار جارىس مارشرۋتىن اپتا ىشىندە بىرنەشە رەت كەز كەلگەن ىڭعايلى ۋاقىتتا جۇگىرە الادى. جەڭىمپازدى انىقتاۋ ءۇشىن سپورتشىنىڭ ەڭ ۇزدىك ۇپايى سانالادى.
ول ءۇشىن Strava قوسىمشاسىندا جۇگىرۋ كورسەتكىشى تىركەلۋى كەرەك. ءارى قاراي ناتيجەلەر تەكسەرۋ پروتسەدۋراسىنان سوڭ www.jgr.kz سايتىندا جاريالانادى.
ونلاين جارىسقا قاتىسۋدىڭ ماڭىزدى شارتتارىنىڭ ءبىرى – Instagram پاراقشاڭىزدا جارىس تۋرالى حابارلاما جاريالاۋ جانە #saryarkamarathonchallenge ءىس-شارا حەشتەگىن, نۇر-سۇلتان جەڭىل اتلەتيكا فەدەراتسياسىنىڭ @nsathleticskz, «Jugiru» پلاتفورماسىنىڭ @jgr.kz جانە سارىارقا اۋدانى اكىمدىگىنىڭ @saryarka.akimat پروفيلدەرىن, بەلگىلەۋ بولىپ تابىلادى.
جەڭىمپازدار 16 جەلتوقساندا ماراپاتتالادى.
كوكتال-1 تۇرعىن الابىنىڭ جاڭا ساياباعىندا قاشىقتىققا جۇگىرگەن قاتىسۋشىلارعا ارنالعان سىيلىقتار:
ءى ورىن – iPhone 12; ءىى ورىن – 300 $; ءىىى ورىن – 200 $.
قالانىڭ باسقا اۋداندارىندا جۇگىرگەن جانە قازاقستاننىڭ باسقا قالالارى مەن وبلىستارىندا, سونداي-اق رەسپۋبليكادان تىس جەرلەردە تۇراتىن قاتىسۋشىلارعا ارنالعان سىيلىقتار:
ءى ورىن – 150 $; ءىى ورىن – 100 $; ءىىى ورىن – 75 $.
نۇر-سۇلتان قالاسى اكىمدىگىنىڭ قولداۋىمەن, قازاقستان رەسپۋبليكاسىنىڭ جەڭىل اتلەتيكا فەدەراتسياسى, نۇر-سۇلتان قالالىق جەڭىل اتلەتيكا فەدەراتسياسىنىڭ ۇيىمداستىرۋىمەن ءوتىپ جاتقان ونلاين جۇگىرۋدىڭ جەڭىمپازدارى مەن جۇلدەگەرلەرى مەرەيتويلىق مەدالدارمەن جانە سەرتيفيكاتتارمەن ماراپاتتالادى.
بارلىق ەگجەي-تەگجەيلى اقپاراتتى jgr.kz رەسمي سايتىنان الۋعا بولادى.
