استانا قالاسى ءماسليحاتىنىڭ دەپۋتاتتارى ەلوردادا جاڭا جۇمىس ورىندارىن قۇرۋ, وعان مامانداردى دايىنداۋ ىسىمەن تانىسۋ ماقساتىندا بىرقاتار كوللەدج بەن قالانىڭ جۇمىسپەن قامتۋ ورتالىعىن ارالاعان ەدى. ءماسليحاتتىڭ كەزەكتى سەسسياسىندا وسى ماسەلەلەر تالقىلاناتىن بولادى.
كەشە قالالىق اكىمدىكتە بۇل ساپاردىڭ ارالىق قورىتىندىسى تۋرالى «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىن ىسكە اسىرۋ بارىسى» تاقىرىبىندا دوڭگەلەك ۇستەل ءماجىلىسى ءوتتى. وتىرىسقا استانا اكىمىنىڭ ورىنباسارى ماليكا بەكتۇروۆا قاتىستى.
العاشقى بولىپ بايانداما جاساعان جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ەرمەك وسپانوۆتىڭ مالىمەتىنشە, بۇگىندەرى استانادا 35 مىڭ ادام ءوزىنوزى جۇمىسپەن قامتىسا, 24,5 مىڭنان استام ادام جۇمىسسىز. جۇمىسسىزدىق دەڭگەيى 4,6 پايىزدى قۇرايدى. بۇل – وڭىرلەرمەن سالىستىرعاندا ەلدەگى ەڭ تومەن كورسەتكىش. بايانداماشى حالىقتى جۇمىسپەن قامتۋدىڭ «ەڭبەك» باعدارلاماسىنا, ونىڭ باعىتتارىنا وسى تاراپتا اتقارىلىپ وتىرعان ىستەرگە توقتالدى.
قالالىق ءماسليحات دەپۋتاتى الماز كيم جۇمىسپەن قامتۋ ورتالىعىندا حالىقتىڭ ەكى قولىنا ءبىر جۇمىس بەرۋ ءۇشىن بارلىق جاعداي جاسالعانىن ايتا كەلىپ, گەرمانيا ەلى ءدۋالدى وقىتۋ بويىنشا قولدانىپ وتىرعان تاجىريبەدەن حابار بەردى. ءوز تاراپىنان بىرنەشە ۇسىنىستاردى جەتكىزدى.
وتىرىس بارىسىندا «ەڭبەك رەسۋرستارىن دامىتۋ ورتالىعى» اق پرەزيدەنتى داۋلەت ارعاندىقوۆ, ءبىلىم باسقارماسى باسشىسىنىڭ ورىنباسارى دۋلات جەكەباەۆ ماسەلەگە ءوز كوزقاراستارىن ءبىلدىردى.
امانعالي قالجانوۆ
ماسەلە شەشىمىن تاۋىپ, جۇمىسسىزدار سانى ازايادى دەگەن سەنىم بار.