نۇر-سۇلتان قالاسىندا جۇمىسسىز ازاماتتاردى كاسىپتىك وقىتۋ كۋرستارىنا ءوتىنىم قابىلدانىپ جاتىر.
كاسىپتىك وقىتۋدىڭ مەرزىمى بىلىكتىلىك پەن داعدىلاردىڭ ەرەكشەلىكتەرىنە قاراي 6 ايدان اسپايدى. وقۋ شىعىندارىن مەملەكەت وتەيدى. قازىرگى تاڭدا نۇر-سۇلتان قالاسى اكىمدىگىنىڭ جانىنداعى حالىقتى جۇمىسپەن قامتۋ ماسەلەلەرى جونىندەگى ۆەدومستۆوارالىق كوميسسيا جۇمىس بەرۋشىلەردىڭ تىزبەسىن بەكىتتى, ولاردىڭ وتىنىمدەرىنىڭ نەگىزىندە ءبىلىم بەرۋ مەكەمەلەرىندە جۇمىسسىز ازاماتتار ءۇشىن كاسىپتىك وقىتۋ ۇيىمداستىرىلادى.
قىسقامەرزىمدى كۋرستارعا ۇمىتكەرلەردى قابىلداۋ 25 ساۋىردە باستالادى, مەكەنجايى: بەيبىتشىلىك كوشەسى, 9-ءۇي. ۇمىتكەرلەر جۇمىسسىز رەتىندە تىركەلۋى كەرەك. تىركەۋسىز قابىلداۋ جۇرگىزىلمەيدى. وسىعان بايلانىستى ۇمىتكەرلەر enbek.kz, egov.kz پورتالدارى ارقىلى نەمەسە حالىقتى جۇمىسپەن قامتۋ ورتالىعىندا جۇمىسسىز تۇلعا رەتىندە الدىن الا تىركەلۋى ءتيىس.
