ەلوردادا ۇلى وتان سوعىسىنىڭ 18 ارداگەرى تۇرادى. ولاردىڭ بارلىعى جەڭىس كۇنىنە وراي 1 ميلليون تەڭگەدەن استام بىرجولعى تولەم الادى. نۇر-سۇلتان قالاسىنداعى مايدانگەرلەردىڭ ەڭ ۇلكەنى – 102 جاستا, ەڭ كىشىسى – 96 جاستا.
جەڭىلدىكتەر بويىنشا ۇلى وتان سوعىسىنىڭ ارداگەرلەرىنە تەڭەستىرىلگەندەر, چاەس قاتىسۋشىلارى مەن مۇگەدەكتەرىنەن باسقا, 111300 تەڭگەدەن الادى. بارلىعى 410 ادام, ونىڭ ىشىندە – ۇوس كەزىندە قىزمەت ەتكەن اسكەري قىزمەتشىلەر, فاشيستىك گەرمانياعا قارسى ۇرىس قيمىلدارىنا قاتىسقان ادامدار, لەنينگرادتا بلوكادا كەزەڭىندە جۇمىس ىستەگەن ازاماتتار, كونتسلاگەرلەردىڭ كامەلەتكە تولماعان تۇتقىندارى, جارالانۋى سالدارىنان مۇگەدەك بولعان اسكەري قىزمەتشىلەر. باسقا مەملەكەتتەر اۋماعىنداعى ۇرىس قيمىلدارىنىڭ ارداگەرلەرى (اۋعانستانداعى ۇرىس قيمىلدارىنىڭ ارداگەرلەرىنەن باسقا) – تاجىك-اۋعان ۋچاسكەسىندە مىندەتتەردى ورىنداعان, يراكتاعى حالىقارالىق بىتىمگەرلىك وپەراتسياعا قاتىسقان, تاۋلى قاراباقتاعى ەتنوسارالىق قاقتىعىستى رەتتەۋگە قاتىسقان اسكەري قىزمەتشىلەرگە 63600 تەڭگە مولشەرىندە تولەم كوزدەلگەن. ەلوردادا وسى تىزىمگە جاتاتىن 810 ادام بار.
تىل ەڭبەككەرلەرى (1946 ادام), قازا تاپقان اسكەري قىزمەتشىلەردىڭ وتباسىلارى, ۇوس قايتىس بولعان مۇگەدەگىنىڭ جۇبايى (زايىبى), چاەس قاتىسۋشىلارى قاتارىنداعى وقشاۋلاۋ ايماعىنان ەۆاكۋاتسيالانعان ء(وز ەركىمەن كەتكەن) ادامدار 9 مامىرعا دەيىن 34980 تەڭگەدەن الادى. بارلىعى – 2686 ادام.
ارداگەرلەر تولەمدەردى كەشەدەن بەرى الا باستادى. سونىمەن قاتار جەرگىلىكتى بيۋدجەت ەسەبىنەن ۇلى وتان سوعىسى ارداگەرلەرىنە كەلەسى تەگىن قىزمەتتەر كورسەتىلەدى:
– كوممۋنالدىق قىزمەتتەر ءۇشىن اقشالاي وتەماقى, ول پاتەر الاڭىنا بايلانىستى اي سايىن 5-تەن 8 اەك-كە دەيىن بولىنەدى;
– ءدارى-دارمەكپەن قامتاماسىز ەتۋ;
– مەرزىمدى باسىلىمدارعا جازىلۋعا, مونشالارعا, شاشتارازدارعا بارۋعا الەۋمەتتىك كومەك (جىل باسىندا جەكە شوتتارعا 6,5 اەك اۋدارىلادى);
– ساناتورلىق-كۋرورتتىق ەمدەۋ قىزمەتتەرى;
– قالالىق جولاۋشىلار كولىگىندە جەڭىلدىكپەن ءجۇرۋ;
– ءتىس پروتەزدەۋ قىزمەتتەرى.
