استانانىڭ ماسكەۋدەگى مادەني كۇندەرى اياسىندا «جۋسان ءيىسى» اتتى تالانتتى وتاندىق سۋرەتشىلەر مەن مۇسىنشىلەردىڭ كورمەسى اشىلدى.
كورمەنىڭ اشىلۋىنا استانا قالاسى اكىمىنىڭ ورىنباسارى ەرمەك امانشاەۆ قاتىسىپ, ماسكەۋدە ءوتىپ جاتقان ەلوردانىڭ مادەني كۇندەرى تۋرالى ءسوز قوزعاپ, قازاقستاندىق قىلقالام شەبەرلەرى مەن مۇسىنشىلەردىڭ تۋىندىلارى جايىندا پاراساتتى وي قوزعادى. قالا تۇرعىندارىنا ىزگى لەبىزىن ءبىلدىردى.
شىندىعىندا, كورمەگە ۇسىنىلعان شىعارمالاردىڭ بارلىعى تالانتتى تۇلعالاردىڭ قولىنان شىققان اسىل دۇنيەلەر ەكەنىن قاپىسىز اڭعاراسىز. ولار كەزىندە نيۋ-يورك, بەرلين جانە بەيجىڭ سياقتى ءىرى قالالاردا وتكەن كورمەلەردە جوعارى باعاعا يە بولعان ۇلتتىق قۇنارعا باي, بوياۋى قانىق تۋىندىلاردىڭ بارلىعى دا ماسكەۋلىكتەردى عاجايىپ اسەرگە بولەدى. قازاقتىڭ كەڭ دالاسى مەن تۇمسا تابيعاتىن كارتينادان كوردى. مۇسىنشىلەر جاساعان ءتۇرلى بەينەلەر قوناقتاردى دا بەي-جاي قالدىرمادى. ولار دا «جۋسان ءيىسىنىڭ» قۇدىرەتىن سەزىنگەندەي اسەردە بولدى.
– ماسكەۋدەگى استانانىڭ مادەني كۇندەرى اياسىندا قازاقستاندىق سۋرەتشىلەر مەن مۇسىنشىلەر ەڭ ۇزدىك دەپ تانىلعان شىعارمالارىمىزدى الىپ كەلدىك. رەسەيلىكتەر وتە جىلى قابىلداپ جاتىر. كورمەنى تاماشالاپ, ءاربىر تۋىندىعا ەرەكشە نازار اۋدارىپ, ولاردىڭ تۇپكى سىرىنا ۇڭىلۋدە. اسىرەسە, كورمەگە كەلۋشىلەر ۇلتتىق كولوريتكە باي شىعارمالارعا قىزىعا قارايدى,- دەدى بەلگىلى سۋرەتش سەمبىعالي سماعۇلوۆ. ايتۋلى ماسكەۋدىڭ سۋرەتشىلەر وداعىنىڭ كورمە زالىندا 2-ءشى قازانعا دەيىن جالعاسادى.
ازامات ەسەنجول
ماسكەۋ قالاسىنان
