جىل باسىنان بەرى استانادا 44 از قامتىلعان وتباسىعا قارجىلاي كومەك كورسەتىلدى
ەلوردادا «ورلەۋ» جوباسى شەڭبەرىندە اتاۋلى الەۋمەتتىك كومەك بەرۋ جالعاسۋدا. جىل باسىنان بەرى 44 از قامتىلعان وتباسىعا (242 ادام) اقشالاي كومەك كورسەتىلدى.
جۇمىسپەن قامتۋدىڭ بەلسەندى شارالارىنا جاردەمدەسۋگە 44 ادام (شاك الۋشىلار اراسىندا ەڭبەككە قابىلەتتى حالىق ىشىنەن نەمەسە 91,6%) تارتىلدى, ونىڭ ىشىندە «جۇمىسپەن قامتۋ 2020 جول كارتاسى» باعدارلاماسىنا قاتىساتىن 42 ادام (87,5 %) تۇراقتى جۇمىس ورىندارىنا جۇمىسقا ورنالاستىرىلدى.
«100 ناقتى قادام» ۇلت جوسپارىنىڭ 84 قادامىن ىسكە اسىرۋ شەڭبەرىندە اتاۋلى الەۋمەتتىك كومەك تيىمدىلىگىن ارتتىرۋ بويىنشا حالىقتى الەۋمەتتىك قورعاۋ جۇيەسىن جاڭعىرتۋ بولىگىندە استانا قالاسىندا 2015 جىلدىڭ قىركۇيەك ايىنان باستاپ الەۋمەتتىك كەلىسىمشارت نەگىزىندەگى «ورلەۋ» جوباسى ىسكە اسىرىلۋدا. باعدارلاما اتاۋلى الەۋمەتتىك كومەكتىڭ تيىمدىلىگىن ارتتىرۋعا جانە الەۋمەتتىك قولداۋدىڭ بەلسەندى شارالارىن پايدالانۋ جانە ماسىلدىقتىڭ الدىن الۋ ارقىلى الەۋمەتتىك كومەك كورسەتۋ جۇيەسىن جاڭعىرتۋعا باعىتتالعان.
تولىق اقپارات الۋ ءۇشىن استانا قالاسىنىڭ جۇمىسپەن قامتۋ, ەڭبەك جانە الەۋمەتتىك قورعاۋ باسقارماسىنا يمانباەۆا, 16 مەكەن-جايى بويىنشا كەلۋ كەرەك.
