«جىل ۆولونتەرى» حالىقارالىق سىيلىعىن تاعايىنداۋعا ارنالعان كونكۋرس وتەدى
حالىقارالىق سىيلىق الەۋمەتتىك جانە قوعامدىق پايدالى مىندەتتەردى شەشۋگە ۇلەس قوسقان ۆولونتەرلەر مەن ۆولونتەرلەر توبىن, وتاندىق جانە حالىقارالىق ۆولونتەرلىك ۇيىمداردى كوتەرمەلەۋگە باعىتتالعان.
بايقاۋعا ۇمىتكەرلەر الەمنىڭ تۇكپىر-تۇكپىرىنەن قاتىسا الادى. ول ءۇشىن qazvolunteer.kz ينتەرنەت-پلاتفورماسىندا ءوتىنىم بەرىپ, ۆولونتەرلىك قىزمەتى تۋرالى دەرەكتەردى تولتىرۋ قاجەت. وتىنىمدەردى قابىلداۋ 2021 جىلعى 1 قازان ساعات 09.00-دەن باستالدى جانە 2021 جىلعى 20 قازان ساعات 18.30-عا دەيىن جالعاسادى.
بايقاۋ ەكى كەزەڭدە وتەدى:
بءىرىنشى – qazvolunteer.kz ينتەرنەت-پلاتفورماسىندا اشىق ونلاين-داۋىس بەرۋ,
ەكىنشى – ەڭ كوپ داۋىس جيناعان جانە ەكىنشى كەزەڭگە وتكەن قاتىسۋشىلاردى كونكۋرستىق كوميسسيا باعالايدى.
ناتيجەسىندە كەلەسى نوميناتسيالاردىڭ ارقايسىسى بويىنشا ءۇش ۇمىتكەر جەڭىمپاز بولىپ تانىلادى:
- «ۇزدىك ۆولونتەرلىك ۇيىم»
- «كورپوراتيۆتىك ۆولونتەرلىك كوشباسشىسى»
- «كوروناۆيرۋستىق ينفەكتسيامەن كۇرەسكە قاتىسقانى ءۇشىن»
- «تۇراقتى دامۋ ماقساتتارىنىڭ كوشباسشىلارى»
- «ۇزدىك الەۋمەتتىك كومەكشى»
- «توتەنشە جاعدايلاردى جويۋعا بەلسەندى قاتىسقانى ءۇشىن»
- «حابار-وشارسىز كەتكەن ادامداردى ىزدەۋگە بەلسەندى قاتىسقانى ءۇشىن»
- «قۇقىق بۇزۋشىلىق قۇرباندارىنا كومەك كورسەتۋگە بەلسەندى قاتىسقانى ءۇشىن»
- «دەنساۋلىق ساقتاۋدى دامىتۋعا بەلسەندى قاتىسقانى ءۇشىن»
- «سالاۋاتتى ءومىر سالتىن ناسيحاتتاۋعا بەلسەندى قاتىسقانى ءۇشىن»
- «ءبىلىمدى دارىپتەۋگە قوسقان ۇلەسى ءۇشىن»
- «قورشاعان ورتانى ساقتاۋعا جانە قورعاۋعا قوسقان ۇلەسى ءۇشىن»
- «بەيبىتشىلىكتى, دوستىق پەن كەلىسىمدى نىعايتۋعا قوسقان ۇلەسى ءۇشىن»
- «تاريحي-مادەني مۇرانى ساقتاۋعا جانە دامىتۋعا قوسقان ۇلەسى ءۇشىن»
- «زوولوگيالىق قورعاۋ ماسەلەلەرىن شەشۋگە قوسقان ۇلەسى ءۇشىن»
- «الەۋمەتتىك مىندەتتەردى شەشۋگە قوسقان ۇلەسى ءۇشىن».
«جىل ۆولونتەرى» حالىقارالىق سىيلىعىن بەرۋ قاعيدالارى قر اقپارات جانە قوعامدىق دامۋ مينيسترلىگىنىڭ ينتەرنەت-رەسۋرستارىندا ورنالاستىرىلعان.
كونكۋرستىڭ تولىق شارتتارىمەن مىنا سىلتەمە بويىنشا تانىسۋعا بولادى.
ەستەرىڭىزگە سالا كەتەيىك, قر پرەزيدەنتى قاسىم-جومارت توقاەۆ 2020 جىلدى قازاقستانداعى ەرىكتىلەر جىلى دەپ جاريالادى.
جىل بويى ۆولونتەرلىك جۇمىسقا 100 مىڭنان استام ادام قاتىستى. ۆولونتەرلىكتىڭ جاڭا باعىتتارى دا ءتيىمدى دامىدى. مەملەكەت باسشىسى بەي-جاي قارامايتىن تۇرعىندارى كوپ ەلدى جارقىن بولاشاق كۇتىپ تۇرعانىنا, ال ۆولونتەرلىك جۇمىس بارلىق ازاماتتار ءۇشىن ۇلگى بولاتىنىنا جانە ۇلتتىڭ جاڭا كەلبەتىن قالىپتاستىرۋعا ۇلەس قوساتىنىنا سەنىم ءبىلدىردى.
«Birgemiz» جالپىۇلتتىق باستاماسى قىسقا مەرزىم ىشىندە پاندەميانىڭ كۇردەلى كەزەڭىندە مۇقتاج ادامدارعا قاجەتتى قولداۋ كورسەتكەن كوپتەگەن جاناشىر وتانداستاردى بىرىكتىردى. باستاما اياسىندا ىسكە قوسىلعان «Qamqor», «Saulyq», «Sabaqtastyq» جوبالارى جۇزدەگەن مىڭ ازاماتتارعا كومەكتەستى. «Taza Alem» ەرىكتىلەر قوزعالىسىنىڭ وزەندەردى, ورمانداردى تازارتۋ, اعاش وتىرعىزۋ, قوقىستى سۇرىپتاۋ بويىنشا قىزمەتى كەڭ قولداۋ تاپتى.
پرەزيدەنت ۆولونتەرلىك ۇيىمداردى قولداۋ جانە ولارعا ارنايى گرانتتار ءبولۋ جونىندەگى جۇمىستى جالعاستىرۋ قاجەتتىگىن اتاپ ءوتتى.
قازىرگى ۋاقىتتا ەلىمىزدە 200-دەن استام ەرىكتىلەر ۇيىمى جۇمىس ىستەيدى, ولارعا 50 مىڭنان استام بەلسەندى ەرىكتىلەر قاتىسادى.
