Жаңалықтар
Ардагерлерге – такси тегін
Астана қаласының бизнес қоғамдастығы қалалық кәсіпкерлер палатасы ұйымдастырған «Ұрпақтар алғысы» акциясына белсене қатысуда.
Жеңістің 70 жылдығына орай 2009 жылдан бері жұмыс істеп келе жатқан «Такси Азия» компаниясы ардагерлерге тегін қызмет көрсетпек. Бүгінде такси автопаркінде 400-ден астам көлік бар.
– Біздің таксопарк Жеңіс күні қарсаңында мамыр айының 5-10 аралығында соғыс ардагерлерін қаланың кез келген жеріне тегін жеткізіп салады. Мұндай әлеуметтік жауапкершілікті мойнымызға алып, қайырымдылық жасау біздің парызымыз деп білеміз. Ардагерлерді әрдайым қолдап, олардың ерлігін ұмытпау керек, – деді компания өкілі Замира Түлкебаева.